係要update吓喇。

最近心情都唔係太好，但見到Leah姐出寫真都係要出吓手喇，
不過今次露肉度高過上一隻寫真好多，所以睇靚相就真係超正。

幫BB噴嘅卡碧，一日貨仔，SD真係分色分到PK。

近日日元上升，所以我都係去左冒險樂園換喇，
因為我近日都冇行模型店，所以我唔知出左D咩新野，
初時以為HGUC nu gundam同MG捕雷渣出左，一心諗住去換啦，點知冒險樂園冇，
所以換左兩隻00，每隻3千幾分，家吓仲剩萬2分換野....^^

講再見喇。

閣位，我要收手喇。
事情已經太亂喇，我自己亦被亂作一團，我只想平靜地工作。
其他野我都唔想去搞，所以我只好同大家模型友講聲再見。

大慨個blog會變成一個文字blog，講吓近況算喇.....

BLOG友笑笑團、參見！！～HAZEL CUSTOM (part 5)

哭有時，笑有時，歡樂有時，悲哀有時。
好多野可能係諗通左，但或者只係睇化左.....
冇心情下，仍然想完成隻hazel，始終有著對BLOG友笑笑團一個承諾，
雖然已經講好左unicorn係我下一個作品，但我似乎冇心情去完成手頭上嘅火頭，
之不過我應承左crabchiu兄在先，好好醜醜都要盡力去搞隻hazel，我唔想失信於人。只係進度龜速而已。

今次都只係做好左活動pat甲，但失左手，因為改完之後pat甲比原本高左約0.5mm，
似乎失手我會歸咎於心情問題，本來可以改翻好佢，不過都係算喇。

活動範圍只有約20~30度，不過只要唔頂住大脾及凸出到個袋就已經足夠喇。

關節位做左少少手腳，令pat甲同pet可以在唔駛用膠水組合亦冇pc膠情況下可以扣住pat甲。亦可方便分開上色...^^

pat甲用2mm膠條做關節，用膠板做內部補強就只係得一半，因為上面都睇唔到，所以求其遮左佢就把就。

BLOG友笑笑團、參見！！～HAZEL CUSTOM (part 4)

本星期家中發生左一D事，令我心情落至谷底，亦冇做到任何模型相關嘅事，
我唔想在我個blog寫一d唔開心嘅事，所以大家唔好覺得我講d唔講，只係我唔想講而已。
我只係希望同大家講我唔開心就夠喇，可能我會放棄模型製作一段長時間，希望大家體諒小弟，或者我亦冇法完成手頭上嘅unicorn同依隻hazel，所以BLOG友笑笑團或許會少我一份兒，在此先同crabchiu兄及其他有份參與嘅blog友講聲抱歉......
雖然我唔係咩神人，令我每次都可以做到更精彩嘅作品，由手油開始，我不斷去改進自己，改燈、噴油至舊化，每一次我都努力咁去改咁去學，一切一切都係大家對小弟嘅支持所至，
改造hazel亦係我08年第一個目標，只可惜，在這景況及心情下我已冇能為力，請大家見諒。
但我有時間仍然會盡力去改依隻hazel，只係未知能否如期完成。畢竟，我仍然好想出席笑笑團。

人生有好多唔同嘅挫敗，只係我比較特別，次次都係大大單大大鑊，總之可以用冇得翻身黎形容....
可能因為平時我份人唔多計較，任何時都平常心咁去睇，所以我一直都唔覺有咩挫敗，但一感到挫敗，就係谷底級......

本次更新只係將hazel pat甲分成兩件，因為在part 3時發現佢會頂住大脾，做唔到「收肚凸袋」嘅型仔pose，咁又點可以叫"ver 春之袋"呢...^^所以一定要做活動式pat甲，不過只係分開，未做活動處理。

BLOG友笑笑團、參見！！～HAZEL CUSTOM (part 3)

今日睇肥肥，諗住冇咩睇，點知鄧光榮果一句「個女冇老豆嘅咩」真係型到爆。
講翻正題，依兩日只係改左對大脾，因為要等膠水乾都幾粒鐘...
同kog一樣，加長左3mm，再加左D details....
小腿未有咩頭緒點改，不過佢本身D detail我都覺得大致足夠，無謂畫蛇添足。
我諗頂多加少少刻線就OK架喇...^^

個袋close翻，講真，打開左真係唔好睇.......
雖然話春之袋ver啫，都唔係大袋到咁嘅又。都係自然D好D...^^

因為我手上只有界刀，凹位的確刻得比較辛苦。
關節亦做左適當改造。

用膠板加長3mm之餘，亦在內則補強。

pat甲嘅details都搞惦左，不過因為會頂住大睥，所以都要改改佢至得...........