溏心風暴大結局喇．．．．

溏心風暴大結局喇，你地唔好周圍走喇。

有時真係佩服D編劇，
點可以掌握D節奏咁好嫁？？
集集好睇已經難，仲要集集高潮，集集吊引。
最衰D周刊雜誌，講鬼晒個故事同結局出黎，
如果唔係應該仲吊引。
成套劇我最喜歡關菊英，做得好好。

溏心風暴係我最喜歡嘅三套香港電視劇之一︰
1, 尋秦記
2, 女人唔易做
3, 溏心風暴

人入我入，FORZA 2

呢幾日開XBOX Live，見到個個都FORZA 2.......
本來諗住遲D先買，不過聽聞特別版炒到成最高$4XX....(原價$329)
費事遲D冇晒，樓下靚女$350比我，冇所謂啦。

呢排書店有特價，之前都想買加喇，而加一本15%，一本30%抵啦。
雖然有好多野都識，同時上網又搵到，不過總係有本書參考吓都會有D新思維。

GP03D（一）地台插頭完成。

今日終於攪隻GP03D，
主要係因為想用黎試噴槍......
本來諗住玩大魔，不過未諗到點溝色，所以玩翻呢隻.....

玩左幾個鐘，就係玩個地台，
佢原本都係T字形，不過有D鬆。
我有諗過直插，不過驚唔穩陣，所以諗左呢隻T形+倒扣，應該比原本仲實.....

正負極插位向後。
由於T位係支撐整台GP03D，受力位經過改造始終冇原來咁受力，
我加左兩條金屬條響裡面(好似玩首辨咁..)，令T位可以更穩陣。

因為插頭比原本大，我開大左個位。
插入後再向後推，就可以扣實。
呢個位可以睇到金屬條位置.....

前面加左膠板遮住兩條線，希望可以雕刻成兩條管啦，好睇D丫嘛。

開關在此......
不過自己開底左，好彩裡頭改得翻。

今次用6V筆心電推，應該頂得住。

EX-S GUNDAM（三）

今週完成左三版紙（說明書），仲有六版就可以KO素組呢一part
如我所料，腳部係EX-S最多parts嘅一部分。
如果唔係上星期未完成腳part，本週應該可以砌到四版紙....

推進器只砌左一邊......，
本來想KO埋成組，因為安埋上個身感覺好D。
不過都係費事砌得咁快....

DIY抽油箱 完成^^

好彩個箱岩岩fit到抽氣扇(幾驚唔岩呀

)，正面幾fit幾靚仔。

本來諗住聽日買牛皮膠紙修靚佢，
點知原來廚房有卷超正"鋁箔膠紙"，
硬係即用啦。

鋁箔膠紙比一般牛皮膠紙更薄更實，專門修補鋁喉用。
製作時整爆左嘅位都補好喇，其實唔補都得，不過都係安全D好。

呢卷野都幾貴吓，諗諗吓，砌模型都可以有用。(唔知油壓用唔用到呢。)

今日出去買左D材料，整抽油箱，
抽氣扇$80
膠箱$28
抽油煙喉$30
好似貴左D(因為D人話抽氣扇$4X、抽油煙喉$1X...)
不過都係$200樓下完成，都OK啦。

不過我未諗到係邊樹噴......

生產過程......

開頭用鋸，鋸到爆晒又辛苦，
本來好fit嘅位就攪成咁........
之後我用換左界刀頭嘅辣雞，超快超fit位。

今日出MK買左呢D油，講真，對住油都唔知買咩好...
GX100見到$18...唔買，早知上次$13買埋啦，可惜！可惜！
求其買D先啦.....
Leveling Thinner未買，因為見到400 Thinner都$55(樓下$45)，聽日睇下樓下有冇先......

現時得咁多........

渣古渣古^^

今日入左紅渣(紅彗星)，綠渣之前入，一齊影。
雖然人地話元朗$19X，不過車錢都咁上下啦。
本來見到$219都諗住入，點知行左個圈，一翻入去見即買。點知埋單$229???
再行去望望佢show個盒個價，又真係$229喎.....
唔通我睇錯.....

不過冇所謂啦，買左就算啦。
之前買綠渣$199.9都平過出面，拉埋都有賺....

紅彗星有d位型D，同多左架車仔，不過估唔到架車仔四個碌陏得囉。

有兩個安天線嘅頭頂(紅綠各一)，咁紅彗星換天線就方便好多喇。

打錯字，綠渣腳板底"冇"噴射器至真。

一架咁細嘅車仔，竟然有13件parts，D碌仲可以陏，var2.0果然係利害D。

人生第一套噴具^^

今日同 大佬John 出去買左我嘅第一次。
買左台灣sparmax氣泵+噴槍，再加幾支油同吉樽。
$12xx落樓.......

正所謂︰未出發，先興奮(未出粮，先洗"特")，
所以今個月都唔會有咩買喇。
不過都算還左個心願.....(安樂晒)

仲有個變色鐘，好鬼抵死。

過幾日DIY埋個抽氣箱先.........