依兩日走廊外牆翻新，我都知會有沙塵架喇，
咁我都用膠台布封左大門，但係一樣比沙魔入侵........
我d傢俱都係黑白色，d黑玻璃就消晒光，砌緊嘅模型都中晒。
依架先至係開始，我諗要搵個強勁d嘅辦法。
不過點都好，都要沬餐死，
尋日用完個搖控，今日成個印呀。
尋日上uxxts論壇解答人地問題，佢問到"樽身邊度分光澤/消光....."，
咁我咪post張相比佢囉，點知比另一個高人串.........
「可唔可以唔好再flat做消光......啞色就啞色la..........將果抽日文斷章取義........」但唔知點解我睇完冇咩唔開心，不過都有少少想串翻佢嘅衝動。
我只覺得佢多鬼如，「斷章取義」嘅人唔係我，消光已經係模型界常用名詞，而係佢唔面對現實而已，又或者佢想特出d啦.......^^
延期又延期，十幾號預定拖到30號先有貨，
之前訂果D收唔到當然火啦，因為美版都出左囉，行版訂左都要等........
叫sony退錢又話要4~6星期，係人都火啦......
好在我唔係同佢訂，否則我都會打去插佢，
唔係因為我好易勞氣，而係認為依d服務態度真係唔插唔得。
拎碟時又同老細吹一吹，自上次講開依隻野延期唔關船期事($ony話)，如果船期遲兩三次，仲要係大作，個部門真係炒得啦。做廠嘅都知道，如果單野大，船期遲左要走飛機架。
今日終於明朗，原來有時會因為某D戲推出，而另一套就會延期同佢硬撼，尤其近排依類情況比較多，所以依隻9成係hold期而唔係船期。
細想一吓，豬豬合同文哥又真係有得鬥，事關文哥在海外已經係最高銷量嘅HD-DVD，而理應可以同DVD同時發售嘅BD就跟文哥同期，只係文哥未公佈香版時，
$ony(hk)就訂計同美版係10月中，而當文哥有行之後豬豬合就延期，而最抵死係文哥行版日期未明朗，$ony就玩到年尾，你地話架咩船可以行咁耐呢又........^^
今日有得攞，都要多得文哥11月1日出街，係唔係咁話呢。
話時話，如果有玩開game嘅人都知道，$ony成日都有D抵B過人嘅借口，成日諗住D人好抵B一定會信。
下次買埋"陳皮四盒2"同"妖夜2"先........^^
spider-man 2係2.1版呀......^^
spider-man 3係孖碟，抵到爛。
今日諗緊買唔買MG Destiny，結果睇完之後，比錢.....
買左gundam 00 #01同#02......Destiny都係等埋隻特別先決定......^^
gundam 00，我覺得佢D gundam似XX勇者之類，
其實最似以下位人兄.......(彈珠高達!?)
不過似咩都好，我買黎砌啫，總之我硬係覺得佢好好改，就係咁............^.-
我女友又儲晒些粉d叮噹印仔喇，
圖中仲差隻"蝦佬偉"綠，只係在佢姑姐度未拎啫。
依加買煙冇得送，真係難儲左。
依d野都係D女仔岩D，下次又唔知出咩喇........^^
儲晒就會update落佢個blog，今之只係呃吓版位而已......^^
我諗左好耐，骨架用咩色好..........
我唔鍾意全金屬色，
但TITANS就硬係覺得金屬骨好出D。
其實我想用灰鐵做主色，細部用其他金屬色，有咩意見呢大家....^^
1, 灰色
2, 銀
3, 灰鐵
今日終於買左隻ZETA plus，點解要買...?
原因係我想改隻MK-V出黎，但發現MK-V係大隻過Ex-S，Z plus都係細一個碼，咁冇理由用$3xx買隻S黎教飛架....咁都要用Z plus改囉，平丫嘛($149)，
為有放大佢啦(盡人事啦....(~.-))。
另外亦因為想改隻ZII，佢嘅變形系統都可以用Z plus改...^^
即係一機兩改，
MK-V用手同大脾。
ZII用多D，Z頭、小腿同變形系統等等。
(諗係咁諗啦....^^)
預想圖.....
本MG書諗住係講模型啦，點知係MG設定畫....買錯書tim。
我女友又買左8架車仔架，其實佢成日都買，
不過今次係skyline 50周年版，所以都幾正.....^^
今日出MK買唔到要買嘅野......
(仲未搵到適合嘅補品，因此本週都係冇模型post.......)
不過見到有一set MF plue 9 賣，都好過冇。
其實每次買MF都係因為佢由插畫師tomotake kinoshita嘅封面機設而被吸引。
可惜我上網搵唔到有關嘅資料，否則對我黎講會係一個好好嘅參考對象....^^
而今之主打係ZII，確係幾型，我成日想改依隻野出黎，因為佢只出過GFF同B-club 1/144模型，
因此資料相當有限，而今次MF亦只等上半身pose....可惜。
最近太多game玩喇，所以都冇update過.....
今日出左mk買左d補品同工具。
1mm膠板，似乎係比較多用，所以順便買黎看門口。
手電鑽，之前用果支冇得變速，又用乾電，依支正好多...$380
孖星8mm透明膠管，用黎改rx-78同ex-s用。
孖星2mm透明膠條，之前只係買到3mm，2mm比較難買。
山口式真三一當然係必入之。
山口式EVA武器都係要買，因為係限定版，遲早炒到傻。
下星期應該更新模型野喇.......^^
最近都係掛住打機，一日整D一日整D，就係得咁多多....^^
不過聽日又有新game出喇，真係有排都起唔到貨...... orz
腰位左右修入2mm，
本來都唔想修腰，因為左右一定要對稱，右圖白色一條就係cut多左後補翻，
雖然位置正確，但點都要做翻d修正(膠水未乾透，下次先)....^^
護陰改出左3mm，接近翻katoki近期設定。
護甲改入左1mm，(綠圈)因為依個位PC膠太明顯。
不過好多人都會改長護甲，但對我黎講總希望似翻RX-78，所以冇諗住改。
噴射器(紅圈)嘅梯型掉轉左向內，始終咁樣比較好睇。
睇住咁多先，下次應該改到肩膀位。
