上半身大致完成detail部份，今日改左裙甲，
開始習慣左用界刀刻details...^^進度比我想像中嘅快左好多，
不過仲未諗到膊頭點搞...^^
crabchiu兄，我黎喇....^^;
依排除左玩UNICORN之外，另一隻就係1/144嘅HAZEL，
參加左笑笑團一段時間，但係旦都冇隻。原因係如果求其砌一隻又好似唔係幾好，但要好似大家咁大改我又未到家，都冇咩靈感......
但再唔開波就會比人話我「得把口」架喇，所以今次決定始極大改造，應該可以準時出現笑笑團....^^
基本上我冇去諗過應該點改，因為好多時諗好左都係做唔到，大致都係做到邊改到邊。
好耐冇砌1/144比例，始終砌開1/100，好多地方都係我意料之外....
尋晚複件已經失敗左，因為我AB模之間拍得唔夠實，令到有D位到唔到，最大鑊係得半隻眼，死未....
我諗問題係出現在B模上，所以我再一次開B模，今次份量正確，所以走氣快好多....^^
但結果最快都要後日先知。
今日終於要開工砌野，其實我早幾日已經開始左....^^
今次玩複件，前日已經成功用矽膠開左個靚模，點知掛住講電話整鬼爛左一忽....又要整過。
今次做嘅時候，A模做得唔錯，但係在開B模時由於錯手落多左催乾水，結果都杰過頭D氣走唔到起晒波波，所以個B模明顯有好多孔，而裡頭D detail都有少少，不過完成後應該可以磨走，試吓效果如何先.....^^
如果唔得，大不了聽日再做多次B模....^^;
打到手都痛埋，終於開晒所有Mode，而只有Hell And Hell同Bloody Palace未完成，但都係時間休息一吓........
預設只有Human同Devil Hunter，完成Devil Hunter之後會開啟Son Of Sparda、Dante Must Die、Heaven Or Hell同Bloody Palace，完成Dante Must Die之後再開Hell And Hell........
Human同Devil Hunter只係前菜，所以即使唔升級都唔大問題。
Son Of Sparda先至係DMC4嘅主菜，不論連招或敵人AI都相當有挑戰性，而且一般招數已經唔夠用，所以在之前嘅Human同Devil Hunter所儲嘅錢可以用黎升級喇，但D野好貴吓，所以唔可以一次過買好多....^^
Dante Must Die可以講係相當變態，要完成的話最好將所有主招升級，而魔人化同手槍已經係必要進使用及升級，否則要完成真係難度極高，但一定要完成先可以有無限魔人化。
此mode請使用Automatic，之前講過Automatic會令你好難出招，但在如此難度下，情願放棄華麗連招，換來就係可以自動儲槍等大殺傷力嘅方便。
Heaven Or Hell係一招死Mode，即係敵人可以一招打死，而你亦係一樣，只係你有3次復活機會，一小時內可以完成。
Hell And Hell你都係一招死，有3次復活機會，但敵人係完能源，超難打，我現時只打到16~17版，但都已經打到半死。
Bloody Palace係要一行能源不斷打到100版嘅生存mode....
完成Dante Must Die之後就可以得到無限魔人化，對在Hell And Hell相當有用，但問題係一用無限魔人化，你嘅RANK就一定會係D，所以其他有Ranking嘅mode最好唔好用，免得打得辛辛苦苦都係食旦......
Devil May Cry 4 (DMC4)
一向我都係支持XBOX360多D，但因為之前兩個版本都有demo download，
經過我分析兩個版本之後，結果決定買PS3版，因為PS3明顯比X360版流暢...
朋友話只係少少分別，但X360有得開成就，好玩好多bo....，對得黎講，我要求係玩一個完美遊戲，大家同樣價錢，我梗係買隻靚D架啦.....
最後CC(朋友)同我講，原來X360版cut左開頭首歌........
講翻遊戲本身，capcom今次出得相當唔錯，尤其畫面表現，已經比之前在X360出嘅兩隻遊戲好，人物面相亦相當細緻，令我對日後嘅BH5有更大信心...^^
爽快度相當高，但如果想隨心出招，就千其唔好選擇Automatic，可惜係PS手掣玩得太耐真係手抽根......
頭3個難度本身唔係太高，但boss級大多全畫面攻擊，有點過份。
視點亦係DMC4最大問題，經常搞到角色行來行去，而且有時打到連人都睇唔到，得個估字，令爽快度減低不少。
誠意亦有點欠奉，一個BOSS打3次，一個版圖行兩轉，咁就玩左20版...死未，但平心而論，即使重複得多，但在故事下要用兩個角色，而且攻擊同玩法都有分別，因此仍然可以接受。
我爆左頭3個難度，在唔同難度下，不單敵人更勁，而BOSS攻擊模式亦有少許唔同，所以唔可能用同一手法去爆機，令耐玩度相對增加。
而DMC系列最大吸引之處就係評價系統，大慨等於hit數之類，可以保留，
即係在版面中當打到A級，只要冇被擊中，你仍然係A級，但擊中之後就變回D......
當然最難打出就係SSS...^^(下面我會寫出一D容易取得SSS嘅地方)
最後有一點大家要留意，好多人都唔鍾意睇爆機之後果D 製作人名單，
但係在製作人名單，NERO(今集主角)要保護女主角唔可以俾人攻中，
如果你保護佢或飛左製作人名單，你就睇唔到隱藏ending架喇...^^
SSS(Smokin'SickStyle!!!)之路...... -\/-
評價系統 = Deadly! -> Carnage! -> Blast! -> Atomic! -> Smokin'! -> Smokin'Style!! -> Smokin'SickStyle!!!
今次直接影自己部電視，所以有D.....^^
我係用SON OF SPARDA mode(困難)打嘅，因為要輕易打出SSS，最好係玩SON OF SPARDA mode，因為敵人體力大，所以你可以全情連招，一般遇上4~5隻騎士等強勁敵人，都可以輕易打出SSS.....^^
我未正式玩之前，CC同我講話好難攞到SSS，咁我未又試吓有幾難囉，
之後去到得10版(大石像果版)，一開始右手面就有個神像，只要你不斷打就會有SSS(其實每個神像都有唔同等級)，咁我就打俾CC同佢講啦，點知佢話，打神像唔算，要打敵人先算勁(佢話youtube有條友打到好勁，但我睇過只不過係HUMAN mode打法，而且打得好慢)，仲要係用NERO先難攞。
作死丫，你唔係為左想開SSS成就咩，咁我有個咁簡單方法又話唔夠勁....~.-
咁我又努力過，但發覺唔太難，在HUMAN mode(最低level)用但丁(第二男主角)已經可以攞到。
不過CC話用NERO難D，結果我又用NERO攞埋.......
其實NERO比但丁仲更加易打SSS，因為NERO有鬼手，可以將敵人拉近再連招.....
有時遇到D瞓低左又唔起身嘅敵人NERO可以用鬼手拉起再連招，超方便。
以我黎講，只有第8版BOSS(天使)同20版BOSS(教皇)比較難拎SSS之外，其他都可以用魔化攻擊拎到SSS，
由於天使只有好少時間可以直接攻擊，所以要同佢鬥長命，但可惜我冇咁嘅耐性。
教皇，因為佢太多全畫面攻擊，我頂多打到佢SS就中左招，所以都係放棄算喇......
而一般敵人只要有4~5隻，連魔化都慳翻就拎到SSS。
今日又用左3150分換左隻座天使..^^
座天使外型雖然比EXIA佢地較接近gundam，但點好怪怪地，尤其係對腳......
其實我已經唔知gundam 00個故仔講咩，因為我只睇到第3集...所以我都唔知佢幾時出座天使....算啦，我都係買黎砌啫...^^
另外行過亞叔度見到隻HCMpro SP nu gundam平左，所以又手多多買左...^^
最近打緊隻DMC4，已經爆左2個level，講真，唔難玩.....
所以我會努力爆埋另外兩個level...^^
出左咁多機頂盒都好似冇個穩陣，
之前見到奧利花買$1, 8xx又送HDMI線鬼咁吸引，好在上網睇左，機身太熱真係唔岩我...
睇中Picazzo(下圖)，貴少少但外型靚仔，點知又係唔惦，搞到大圍退款 .....
睇左一段時間，都係買部穩陣D嘅MAGIC TV，雖然貴左D，而且依加買機都係白老鼠會成員。
不過在咁多牌子中MAGIC TV係我買得比較安心嘅一部。
我家中係用有線電視，因為有線嘅天線唔支援高清廣播，
但我個屋園已經換左新天線，所以我唔膽心。
但樓下亞姐又嚇鬼我話「如果用緊有線就有可能收唔到」(咁咪過年冇交清)。
不過我返到屋企試都冇試就直接用有線個BOX出果條線駁落個機頂盒度....(因為後面太多野)
答案係得，訊號強度81%，訊號質量100%
不過岩岩買又冇時間玩，而且今晚又要出動，
所以未update firmware等等，只係追左台而已....
聽日初三先慢慢玩......^^
我女友話「新年流流買咁貴嘅野，我今晚輸麻雀入你數」..........
為免呀媽上到黎見到太多模型，所以我將排模型牆變成前後兩排，
大盒後面，細盒前面，總共7梗。一來好拎d，二來唔係側面睇都唔覺有兩排...^^
都整齊掛......~.-
hguc nu-gundam已經出左上色圖，確係比hg好睇好多.....
雖然開倉場去到17號，即係仲有機會有新野，
但我要買嘅都買晒喇，所以對我黎講已經係尾聲。
所以容許我曬泠一次咁多啦....^^
上年仲同D朋友講，今年唔買咁多模型，希望係"清倉之年"，因為我睇見間客房真係連自己都驚......下年一定要戒買野......(去玩冒險樂園..^^)
因此最近都係入D HG模型，貪佢細細隻，點知星輝整個咁嘅開倉場，開頭真係冇咩平野，點知過左聖誕就推D特價野出黎殺人，好多都係"見血封喉"價，害我冇啦啦入左一大埋。
本來今日諗住推架車仔去百佳辦年貨，點知又死左入開倉場，出翻黎之後就行過星輝，老闆娘見我推住車仔就同我講「辦年貨牙??」，點知佢望一望架車仔都忍唔住笑，因為我嘅年貨係兩盒模型.......(之後都有去百佳)
今日入左gundam X1 ka版($155)，因為見人整隻X2好鬼型，我又唔抵得囉.....^^
我都唔知入黎做咩，只係因為我買左英格倫所以買......
本月總數入左12盒，星輝入左9盒，加埋另外嘅3盒馬反。
9盒裡頭我最想砌嘅只有X1同綠狗....
砌X1因為X2(講左)，其實上次舊化渣古只係試作，真正要舊化嘅其實係綠狗。
但我會先動馬反靈格斯，因為笑笑團要開波架喇，否則kog又串我得把口......^^
就連crabchiu 都唔放過我......~.-
不過都要得我KO左隻UNICORN先開波...^^
今日9點幾落去都冇新野，都係d大家唔會期望嘅野，
pg紅白突、自護、turn a完全冇影
1:60 g gundam($120)同1:60 wing(非PG)($140)，依兩隻都唔係大家所期待嘅，不過買黎比小朋友玩都真係幾抵...^^
老闆娘話星期一、二可能會翻貸....
但都係啦，瑞記比咩就賣咩，佢地都唔知係咩貨.....
依兩日見亞叔比特賣場打都冇晒心機，仲要食杯麵.....
幫襯佢入埋隻紅雞喇...
我計過喇，如果我同bb去玩"冒險樂園"推銀仔，
如果搵部好機，大慨1舊水可能推到成4千幾分，換隻三連星要8千幾飛。
果日同佢玩左成粒鐘，打左4~5次鐘，隔離d駝地"阿伯阿嬸"都哀左。
如果果日唔係一開始搵錯機，我諗都幾和味。
照咁估計，應該以後用飛仔換模型又真係幾抵，有得玩又有得砌....^^
BB公司今日annual dinner，比佢抽中左2獎(全30份)，
2人澳洲珀斯4日3夜自由行，價值$11800
玩兩個唔同遊戲又中左兩盒好似好貴嘅唔知咩「燒果子」，
仲有人人有份嘅5舊水PK禮券....
今次頭獎係SHARP嘅37"FULL HD TV，BB諗仲中左就可以擺房睇....
點知抽唔中....可惜....
澳洲珀斯雖然都吸引，但只係機票同酒店+自助早"剷"，其他食自己，
即係佢出豉油你出肥雞.....
之前D人話依隻變色明日香(熱係白色，凍會變黑色)，因為HK天氣太熱，冬天變唔到黑色，要日本D落晒雪咁先變到。
但依幾日就發現佢由白變左黑，所以話人講唔一定岩，都係自己睇啦....^^
