Blog友笑笑團2009~GM STRIKER PART II

肩位活動範圍可以大d，不過b記冇做，為有自己改。
開兩個窿，棟兩支膠條加以固定。

單邊完成，可以睇到活動範圍差距。

HGUC大脾例牌加長3mm，及補翻走光位。
護陰因為啤模問題搞到怪怪地，自己改翻佢。

脛關節位改高1mm可以增加頭部活動性。

係時候入~PS3 MGS4 日本特別版

今日終於等到MGS4心水價，仲要係日特版( $299 全新)，不過未有時間玩住，等我ok埋隻突吉先
順路去冒險換埋隻周周百式。

兩個外盒愛黎有咩用呢。

尋日行過買埋~~

Blog友笑笑團2009~GM STRIKER PART I

今年笑笑團應該唔會爛尾掛，
本來上次隻AOZ可以搞埋佢，不過暫時都唔想改野。
所以砌過隻唔駛改嘅突吉~~~^^!

分件都係一貫HGUC做法，冇咩特別。

呢Part只係補少少位又要分......=.=

尋日複果d其實係大富翁d屋仔，呢排愛上玩大富翁，但d屋成日都唔夠用，所以有時間就複吓囉。

上星期小入~~~~

本黎諗住落冒險樂園換埋BB周周先update，不過呢幾日都唔記得換，算啦，up咁多先啦。

今日在星輝買左4個人頭，老闆娘收平左我5蚊。
其實近期都冇咩模型好買，最快都要去到12月嘅新安洲~~

手痕痴左個三國傳玉璽，得閒磨吓佢就可以上色。
d日本仔都怪怪地，講明係玉璽就梗係玉做架啦，冇啦啦變左金璽~~~~~=.=

星期六去左買複件野，主要都你矽膠同透明色漿。
順便同老闆傾左一陣，學到唔少野~~^^

今次複透明燈，不過唔好估係咁，因為一定估唔到。
聽日開估。

我以為去左自己個blog tim~~~~

早幾日上去睇吓人地d blog，見到有個blog d bb嘅靚諗住留個言啦，
點知見到自己個banner比人撻左黎用，當然cut左我春之袋個名啦，再睇清楚，原來連d作品都係人地嘅，
又唔加轉貼又唔引用，當正自己咁。

都唔知好嬲定好笑~~

講真，你問我一聲我唔會介意播，走黎順手牽羊當自己，都唔知咩心態。
所以大家出左成品又唔想比人撻，都係加翻個名穩陣d，
當然，D人得閒到cut埋你個大名當自己野就另計~XD

皮幾野一個西瓜，你買唔買。

又係我樓下D見聞，其實佢都出現左成年架喇，

不過係近排先幫佢用手機影左個大頭啫。

人頭$12888
正方$8888

指甲油test~~~

岩岩做左個指甲油test，(比bb知道我攞佢d指甲油黎玩，一定死硬)
相信呢隻幾年前嘅オオゴシトモエ指甲油卡碧尼大家都睇過，一直都想試吓玩，但問題係我手頭上冇呢隻色嘅指甲油，講真，加吓d女仔邊興用珍珠色架，十個有九個都係用純色，記憶中我亞媽就用過珍珠色指甲油，所以搵日要去mk刮吓。
youtube影片︰http://hk.youtube.com/watch?v=8BWm0CkwpC0&feature=related

test分別係2支平野(10蚊3支)銀及粉紅，同一支靚野(missha)閃粉透明綠，全部都可以用mr.color thinner開稀。
圖中所見三支油均冇偏光(偏光即係類似珍珠色效果)，只係有少少珍珠feel(指甲油特性)。

結果︰只有頭頂燈情況。
(銀色都嘅好遮播~~~^^!)

結果︰兩邊燈情況。
白圈︰銀色，正常。質感有d似啞色左嘅mr.color #8銀，但粒子更細。...XD
綠圈︰閃粉透明綠，只係見到一粒粒閃粉及少綠，純粹試吓咩閃粉會塞筆而已。
紅圈︰粉紅，d色唔出，應該係黑底關係，手指印等陣講。
藍圈︰銀色，花痕之後講。

test過程︰
開油︰因為係可樂罐，所以我先噴上金屬用畢地，指甲油用leveling thinner開稀，份量同開模型油一樣。
雖然我平時鍾意在筆兜上溝油，但因為我唔知油質沉底情況，所以選擇在盆中溝thinner，比較保險。

出油情況︰
一切正常，冇塞筆，冇必油，而且都幾香吓...^^!

乾燥時間︰
比模型油耐，唔怪得d秘書小姐要叉開晒d手指黎吹，紅圈手指印就係5分鐘時印出黎，大家要比d耐性。另一點係在test中係用黑底可樂罐，因為指甲油比較透，所以我噴都噴得厚左好多，都會影響乾燥時間。
10分鐘後表面似乾左，test刮花，用手指甲刮，結果如藍圈情況。
20分鐘後再刮，已經乾晒，正常用力係刮佢唔甩。
最後再噴多層super clear再刮，結果乾嘅時間仲耐，似乎光油已經食落下一層令指甲油再軟化，亦似乎分別唔大。

總結︰
指甲油比模型油軟身，所以唔可以厚噴，正常當光油咁噴幾層已經ok。
由於用噴筆關係，效果會比d姐姐油指甲靚好多，所以唔好比佢地知，免得做多樣野~~
市面上有d指甲油稀釋劑，如果怕thinner溝唔到可以買黎玩吓，但都係多餘。
因為甲油稀釋劑thinner成份少，主要係唔傷d姐姐嘅肉手，但模型就係另一回事，咬唔實先係問題。
甲油好多色選擇，雖然有人當主色玩，但test過之後，覺得太軟身，當super clear就可以，用黎做主色就有點冒險，不過試吓唔同玩法都無防。

 

 

笑料一側(for my blog & post76 only)︰
擺底模型大半年再砌翻，竟然比人當新手，仲有條連畢地有咩特性嘅神人教翻我改燈點放漏，當時我真係覺得佢多Q餘，連線到未識穿教我改燈.....但我一貫答法都係"多謝意見"
日前有網友問到圖中隻卡碧效果點做出黎，
我答"指甲油"，就比人話我老吹講爛gag誤導新人，
亞大佬仲好笑，佢一向都好少出聲，今次都特登搵翻呢隻卡碧嘅youtube教學片post埋上去比佢睇，都比人串片中嘅オオゴシトモエ姐姐揸果支偏光マニキュア(下圖)唔係指甲油，而係偏光劑(偏光劑<--呢個名詞上Google係搵唔到嘅)。我諗除左神可以指鹿為馬之外，原來時下D模型神人都可以。
最後比大佬翻譯"マニキュア"係指甲油，點知神人又撐唔係隻隻指甲油可以溝thinner，死撐到底唔通就係神人本色??
仲單挑小弟整隻指甲油模型黎睇吓，本黎出師冇名都費時采佢，如今比人話我誤人子弟(或者佢話オオゴシトモエ姐姐誤人子弟都未定)，真係火都黎埋(但仍然好笑)，況且我都預左隻重戰機玩指甲油，總要真真正正試一次架啦。待我搵岩指甲油我會開波。

大佬講得岩架，人地要做高手咪由佢囉，講咁多把鬼咩，費事塞錢入人袋~~~~
因此，呢個post都幾無聊，純粹為test而test~~~又係多Q餘。

FATTY地上型...完成。

B.AMT-03 FATTY GROUND CUSTOM
1/20 Scale Model

十日貨仔完成，呢盒模型同其他狗好相比，我覺得純粹係做同系列嘅敵對機而推出嘅模型而已，冇鑼絲又冇水貼，冇咩誠意。不過，整體而言都尚算唔錯。
武器就相當細緻，如對AT槍，各部份亦可拆下，一D都唔馬夫。所以今次我比較有心機玩武器。雖然係咁，不過支G.BATM-05即使有內結構，但上完油後唔好諗住玩拆件，一定花油花到喊...XD。

之前一直玩GUNDAM，今次係第一次砌裝甲騎兵，出黎嘅效果唔錯，真係有個衝動想砌埋其他D狗佢~~嘻嘻^^!
不過隻野好大隻，諗放佢起邊都頭痛~~~T_T

G.BATM-05

G.BATM-52G

武器篇~~

FULL SET

裝甲騎兵～肥仔FATTY始動（四）

水漬同生銹都搞惦，最後先到人仔上色~~

星期六~日陪女友，下星期再搞~~