S.C.M EX 吉姆+RX-78 G-3+老虎

之前覺得佢個設定唔係咁岩心水，仲要成百幾蚊隻，因此一直冇理呢個系列。
行秋葉原時見到200円(約HKD$16)夾一次，仲要係我最鍾意嘅GM同G-3，夾左千幾円就中晒兩隻，超易夾.....
最後老虎100円一次，不過唔係夾盒，而係夾圈，難夾好多，玩左我成千円，冇計，鬼叫夾左兩隻忠嘅都想夾隻奸咩~~~

外型係怪左D，不過擺到勁多pose就交足功課啦，尤其最鍾意隻GM...^^!

RX-78-2 G-3

吉姆

老虎

 

日本自由行放送～後記

其實我真係唔係買左好多野，因為主力都係留比BB佢地，
但發覺原來日本夾公仔真係好好玩，技術好真係執唔少平野~~~
而且見佢地厄都好少死煲住一部機，手氣唔好就收手，
但可惜我地冇咁多時間玩，所以即使煲左1,400円一隻老虎都冇辦法，只要比單買平就可以喇。但我最後都係放棄左夾gundam頭........殘念~~
而事實上BB買同夾嘅都唔止咁少，只係留比佢自己post喇~~

去到日本真係最好睇就係短裙同美腿~~我終於明白原來HK嘅女仔其實所謂嘅短裙其實都好長......因為日本女仔著短裙真係岩岩遮住個pat位頂多1~2吋，C妹仲同我講，佢地點樣可以坐底唔走光呢??而事實上真係好多時見到走光。
日本女仔好識著衫同化妝，見到好多都著到好似時裝雜誌咁，自己都有一套style，即使唔係太靚，但打辦亦有一手，總有吸引人嘅方法。
試過有一次，BB同我講︰
「前面個女仔好靚。」
「係，但係太瘦」(個女仔已經去左我地後面)
「你睇得真係快，我只係睇到個樣，你就已經掃晒人地全身」
「冇計，男人天生X光眼.....XD」

今次第一次去日本，所以好多野都係估估吓，一次就會明白點行架喇，不過一定要著對有AIR嘅鞋....^^

最後都留翻 JR do do....有效期10年架~~^^

日本自由行放送～終 (26-11-2008)

最後一日我地要上8點機，所以早上我地去左淺草雷門同上野買手信，
可能因為最後一日嘅關係，放鬆晒心情，但同時覺得膊頭好痛，大慨係因為咁多日我都拎晒D DV同相機上身，之前有人講過，冇咩特別真係唔好拎單鏡相機，到時辛苦就真係自己知，而加我明喇...T_T

呢舊牙膏幾得意~~~^^

雷門都係賣D寺廟野，幾得意，
不過我冇咁好死買手信，所以朋友們你地都係死左條心喇，
但佢地班女仔就買左唔少野.....

第一次先到我真係喇，高唔高"興"呢~~~~XD

淺草仍保留好多舊野，不過最令我出奇嘅係拉車竟然係年青人，
而且仲有女仔tim，睇個樣似廿二三咋，.....利害~~~~

在上野買手信時，被我見到100円一次夾S.C.M EX老虎，
但今次難夾喇，因為唔係夾盒，而係夾圈....
花左1,400円(即係成HKD$112)先夾到，真係唔抵，不過都仲係平過HK買~~
可惜冇渣古啦~~~

最後比BB串我囉....咁佢又真係利害嘅.......夾公仔~~~~T_T

日本自由行放送～第四日 (25-11-2008)

今日去左迪士尼，我諗你地都冇咩興趣架啦，
唔講咁多喇，冇興趣就去BB個blog睇啦(不過佢未update播)...^^

BB嘅戰利品~~

今日我只係用左3,480円在BIC買左隻VF-25S，可惜翻到黎個盒凹左~~~
本身諗住買埋隻VF-25F，不過諗到果12盒棋就打消左念頭喇，
反正我一向都只鍾意骨頭機，日後出裝甲版先再諗啦~~~^^

日本自由行放送～第三日 (24-11-2008)

今日終於有時間去秋葉原喇，不過可惜今日落雨~~~T_T

雖然周圍好多動漫招牌，但奈何我地唔係好識行，而且落雨，所以行唔晒~~~~

黎日本我最想買巾頭，一見到有得夾，200円一次(100円約HKD$8)，500円3次，當然即使去馬啦...
點知夾左幾次都係失手.....頂，可能太重啦，上到夾都即刻瞓底，
所以冇左600円~~~之後先知原來可以叫店員擺翻好個位....

巾頭隔離就係S.C.M EX嘅吉姆同RX-78 G-3，200円一次
見到條友夾左好多次都唔得，又叫店員擺位都唔得，諗住同巾頭一樣難啦，
點知我第一夾就夾起左，諗住中啦，點知未到窿就甩左，周圍D日本仔都為之泄氣，再叫店員擺好，再夾即中RX-78 G-3，諗住再夾埋隻GM啦，就叫店員將GM同G-3掉位，不過夾左幾次都甩，最後俾BB一夾即中.....當時佢真係叫左出黎，同樣周觀嘅人都一樣開心啦~~~~

BB最利害就係夾呢隻鬆弛熊啦，都係200円一次，佢用左800円就夾左3隻，睇過成3xxx円一隻架.....勁。
最後佢見到鬆弛熊棋，擺到一層層，佢用200円試夾，見佢落位唔準，諗住冇啦，
點知竟然一次掃左12盒，當時真係O晒咀，都唔知開心定頭痛好，因為12盒真係太多喇，點拎翻HK呢...??因為係磁石鐵板棋相當之重.......拎到我丫~~~~

約6,000円嘅夾公仔戰利品，係唔係好抵呢~~~
可惜落雨，搞到D盒濕晒.....

唔洗HKD$160就有齊兩隻~~HK好似要百幾蚊一隻~~~

BB最開心就係夾到佢地喇....^^

12盒點pack入喼就好難諗喇~~因為已經比佢霸左大半個喼喇~~~~^^!

其他戰利品...100円一次，好彩可以一次夾幾隻架。

在秋葉原我除左夾左隻G-3之外，就係買左呢兩隻山口喇，
建次郎=2,180円送支山口鉗。
利恩=1,820円。

日本自由行放送～第二日 (23-11-2008)

第二日係女人Shopping日，所以冇我份，我只係拎野啫，
佢地去左幕張outlet買名牌.....我就行到腳痛(因為對鞋太硬喇，下次買對有air嘅先得)。

因為我地太早去喇，佢地成10:00先開門，
所以我地住公園等左成個鐘.....

之後去左吉祥寺買平野，我就買左對鞋薦~~~^^!

聞說呢間牛肉丸好出名，所以點都要食吓，點知排左成個鐘~~~~
睇吓條龍幾長(圖中紅色牌)........不過3~4點就賣晒喇，所以要食就早d去喇.......

我地買左5舊牛肉丸(其實牛肉球)140円一個......
日本而加4點就天黑架喇~~所以我地真係有天光排到天黑架.....

日本自由行放送～第一日 (22-11-2008)

我地座零晨2點05分機，3個小時到日本，
佢地諗得好好架，諗住一上機就瞓，到步就可以即刻行街，事實上邊得丫。
佢地只可以瞓到一個鐘左右，我就冇瞓過(因為我交通工具上係瞓唔到嘅)，
結果6點幾到達，我就有如行屍般眼瞓到死......

晨早嘅JR(電車)真係冇咩人，我地要由羽田空港去池代，成粒鐘架....
去到酒店放抵D野，但要兩點先可以checkin，所以行屍般行左幾個鐘，
上左房後瞓左兩粒鐘就去搵野食同行街.....

日本街上真係好多自動售賣機，不過買煙就要do卡證明你成年先俾買，
所以我冇卡冇得買.....
街上好少垃圾桶，幾條街都冇一個，所以出街最好自備垃圾袋~~~不過周圍都好乾淨...
食煙都要企埋一邊，因為周圍都禁煙，但企街角就冇人理你(其實我行住禁煙區食都冇人理)，不過如果有吸煙區都如似成個公園咁，唔似HK咁比個黃格仔你咁PK....

日本夾公仔真係好鬼易，唔似得香港咁，個夾又鬆，D位又難夾。
第一日BB用左幾百円(100円約$8港元)就夾左咁多野翻黎。

JKL兄教我去Bic Camera買模型，其實當時見到好多野都好正，而當中亦有D香港係冇得買嘅野(水貸入可能有)，如川口版渣古，超時空要塞兩位女角嘅車仔等等....
不過我就唔想入太多野住，因為點都比BB買左佢D野先，免得個喼冇位放.....
但D game就貴過HK好多.....

見到Bic岩岩出左HGUC嘅GEARA DOGA，一場黎到，買翻隻先，都係1320円，
順手買左張1/144水貼300円.....