MG 1/100 MSN-06S Sinanju ver.ka 新安州

紅︰紅+黃+白(其實之前開果隻紅比而加更淺，但奈何自己唔小心倒左1/3落地，為有開過~~~~)。
金︰SM02+leveling thinner開。
黑︰#33啞黑。
(啞黑配亮金，效果相當唔錯)
骨架灰︰白+灰
槍身︰幽靈灰。

兩碌野配色參考自今期電擊，我覺得幾唔錯丫~~~^^

肩甲夾口消除左~~~~
雖然同電擊處理手法一樣，不過其實係個人喜歡(因為我改嘅時候今期電擊仲未出。)，我覺得冇左條線會更加流線。

頭部作分件處埋，所以可以輕易消去後腦夾口。

手袖同樣消夾口。

本來唔想加LED，不過因為之前UNICORN做左，所以今次順便做埋。
雖然只有18粒LED，比UNICORN嘅40幾粒少，但實際改造所花嘅時間差唔多，
而且行線仲要比UNICORN難~~

眼部冇因為加左LED而變成硬直，
同樣可以左右移動。

關閉噴射器LED，咁就可以只係得眼部及機艙發光。

眼部及機艙係同一組LED。

UNICORN VS. SINANJU
unicorn終於有人陪喇~~~^^
Unicorn 成品可到︰
http://hk.myblog.yahoo.com/rx_167/article?mid=3491
http://hk.myblog.yahoo.com/rx_167/article?mid=3490
http://hk.myblog.yahoo.com/rx_167/article?mid=3551

本身年三十已經完成，點知埋門一野，眼部LED斷左線，仲要係要開刀先可能焊接，真係~~~~

之後手袖位夾口又無啦啦爆左，即係又要再做mask再噴，
所以無時間及冇佢咁好氣嘅情況下收手，再年初四KO埋佢~~~

相關︰新安州入櫃前更新~~~

新安洲進度(八)

佢D花紋真係玩到我眼花~~~~
對眼對唔到焦，聽日噴埋D紅先再執...........

新年前一定要KO，否則就PK喇~~~~(因為要大掃除，唔想唔見parts)
所以而加真係要密密砌，所以唔update喇，等成品啦~~~~各位大哥....^^!

新安洲進度(七)

盤骨位電源線路完成，(白圈)主要做左A,B parts組合時唔駛焊接，直接用插頭完成。
(紅圈)係for眼部led焊接用。

另一邊~~~

兩邊一拍就得，唔駛焊~~~^^

其實線係可能直接插頭供上去，但我個人鍾意先分好parts上色。
上色後拉線好易整花d油丫嘛~~^^!

由於加左插頭之後會有個窿，所用膠板做左個parts(白色成塊衛生x咁)。

插頭未完成.......................

左=衛生x parts，中=插頭parts，右=原裝連接地台parts....

新安洲進度(六)

其實都冇咩特別野更新，不過星期六、日小弟要陪女友，所以係咁漪update吓囉。

用鑽咀磨粒粒的確係一種好快嘅方法~~~XD

話咁快磨晒40粒~~~^^

好奇怪，肩甲特別多野補嘅........補先側面又到上面。
組合時留意到原來呢個位好易走光，所以又要補左佢。

就係咁補少少就得喇。

之前講過肩甲上嘅0.3mm窿已經補好喇，其實冇0.3嘅，0.1多D啦

供電位已經準備好~~~~
但我仲未諗到隻眼點發光播..........待續~~~

新安洲進度(五)

今日見冒險樂園已經有貨 149xx分，低到丫......
最衰果時未出，頂丫~~~

新安洲肩甲上有一個可有可無嘅甲口。
因為在原設定中呢條線係唔存在，但到左MG時，Katoki似乎為左方便分件而加左呢條線。
我個人認為多左條線對肩膀線條影響幾大，所以消左佢。

方法係CUT左黃色部分，再在甲內開兩刀就完成分件。

黃色部分磨唔磨冇所謂，反正睇唔到。

只要肩甲少少內傾就會扣住，但當然冇原來咁實，
而原本灰色位已經凸出約0.5mm，所以即使扣唔住都唔多覺。

其實即使唔補條"喇"，轉灣位係冇啦啦有個0.3mm嘅窿，
所以要加膠板補左佢，膠水未乾，聽日先磨....^^!

未加膠板前轉灣位係有個明顯凹位~~~上面睇仲大鑊。

新洲洲進度(四)

Terence兄問到點樣改個面罩同手袖點磨，先醒起自己原來冇影到，
原本佢係靠兩支槍固定面罩，CUT左之後就在下巴位加兩塊膠板夾住灰色parts就可以喇....都係果句「分件唔駛膠水」。

其實我有個習慣，從來分件都係用翻佢原有嘅凹凸位黎組合，唔會用膠水。
只係花多少少功夫而已。

新安州最賤格嘅夾口位，就係嘅條，紅色係夾口，黃色果一小段就係賤格夾口位。
果折只係得1mm唔夠，膠水又必唔出，為後冒險用牙籤high一野AA膠落去，最後要好小心咁磨，因為一過火就成條坑。
最衰仲要係黑色parts，再噴一野灰先睇到佢補成點......

新洲洲進度(三)

對住呢四塊葉，即使你支噴筆識轉灣都噴唔到，你會點做???

我嘅方法就係一分為二，照圖中咁cut法，絕對可以唔同膠水，就咁拍翻上去就可以喇。

基本處理就係咁喇，下星期諗吓裝唔裝LED，因為暫時冇一個好位可以插火牛，所以分分鐘唔會加LED~~~~^^!