砌模型大忌~~~打機^^!

本身今日出MK睇吓有咩blu-ray買，結果在樓下玩冒險樂園玩左幾個鐘，所以冇出去。不過，都在樓下買左幾隻DVD

冒險樂園換左3國BB，但唔知點解冇兩張杯墊，係唔係大盒D所以送多個呢...??

 

 

近月冇咩GAME出，但都好多GAME玩，
如OUTRUN 2已經晚晚煲。
但今月必買之作似乎非BATMAN莫屬，$300入手，好似貴左D。
另外執多隻好野，BULLY($190)，似乎係加強版，多左D Mission等等.....
呢幾隻野都有排我玩喇.....^^!

BULLY左PS2時代冇咩點玩過，今次可以過吓手引喇~~^^!

傳說中嘅三紅~~~~~

終於到我三紅喇~~~~
話說已經成個月冇打機，日前OUTRUN2 free download，咁就開吓機啦，
但個20G都俾我打爆晒，買HDD係時候喇。
尋日買左個120G HDD，咁就滿心歡喜去裝GAME啦.....
點知今日一開機就3 RED.......3年換狙4次機都係第一次見到傳說中嘅三紅....
(其實最搞笑係過左第一年保養後，佢都冇出3紅，但E74比我。)
心諗，已經過左保，打去Hotline問吓先，點知佢話我未過保...

 

睇睇我d下載記錄，最早係06年8月，即係岩岩今個月到期。
死好命，再過多幾日，9月壞都要俾$~~~~
約左27號換機......再加長3個月~~

好囉，冇機打，又可以專心砌模型喇~~~~~^^

MG 1:100 EXIA Ver.LE ~6, 盤骨改造。

盤骨小改，主要係for外觀好睇d...

袋位凸出1mm及加高1.5mm，
注意紅線部份亦修改前傾角度。

盤骨關節在腳之間加大活動幅度，左邊係未改造前嘅盤骨關節。
似乎呢個係MG EXIA改造嘅指定動作。

加大活動幅度重點就係在箭咀位開個窿......

相關網誌︰
MG 1:100 EXIA~1, 凸線變凹線
MG 1:100 EXIA~2, 腳掌改造
MG 1:100 EXIA~3, 腳眼關節改造
MG 1:100 EXIA Ver.LE ~4, EXIA 透明版!?
MG 1:100 EXIA Ver.LE ~5, 手關節改造。

MG 1:100 EXIA Ver.LE ~5, 手關節改造。

手關節，在MG EXIA發佈時我第一個留意嘅地方。
因為在EXIA所有嘅模型都冇一個可以忠實地表現手關節，
但估唔到貴為MG版都一樣唔做，而且原用自1:100/1:144嘅低B設計。
1:144就唔怪你啦，但MG版都係咁~~~~~~~唉。
為有自己改啦....

另外，箭咀部份亦照設定刻左個凹位。

唔好以為個低B關節活動性一定好高，
事實上裝上外甲後活動範圍只得約45度。

改造後並冇影響原有活動範圍。

改造重點係要將箭咀部份削入。

另外，手臂位夾口明顯，我呢次唔補夾口喇，
加條接合線比佢就得喇。

相關網誌︰
MG 1:100 EXIA~1, 凸線變凹線
MG 1:100 EXIA~2, 腳掌改造
MG 1:100 EXIA~3, 腳眼關節改造
MG 1:100 EXIA Ver.LE ~4, EXIA 透明版!?

又比人老粒~~~~

無啦啦比我上左個大陸網，竟然見到我個post比人翻左。
仲要一宇不漏地翻，真係唔知好嬲定好笑...^^!

都唔知買野post有咩好翻，真係痴孖根嘅....

原文修改日都照copy.....

 

 

最爆笑係用兩個a/c自問自答，
精選左網友對我嘅其中一個回應copy埋......

 

我諗以後咩相都要加水印至得.......^^!

1/100 00 RAISER part 9 ~ 屬於gundam 00嘅手喇。

玩左我成日，原來要在首辦上刻野其實都幾難，
已經刻衰左3~4隻手先可以完成，好在我可以自己複啫~~~^^

由於原來隻00手嘅紋太低B，所以我放棄左~~~

同原裝EXIA手嘅分別係手背上嘅刻紋。

我只保留EXIA一組刻線，而中間類似六角型位，唔係加膠板做成，
而係實際地刻出，所以00手係分成三個段高低級。

手指當然可以陏，如果唔係複黎做咩~~^^

 

一般買果D首辨模型用偏黃色嘅CAST係8017(冇記錯的話)，
正式版用嘅CAST係用8030，質量最高，硬晒要25分鐘。
TEST版用嘅CAST勝在5分鐘硬晒，所以作為TEST相當方便。

MG 1:100 EXIA Ver.LE ~4, EXIA 透明版!?

平時加LED我都係唔聲唔聲，但成日都比JKL估到，
今次就一開始就講定，唔好話得收收埋埋扮神秘喇~~~

EXIA Ver.LE(Light-emitting) ，必要動作就係要通晒所以要發光嘅位，
我嘅做法當然係做透過Parts啦。

其實exia嘅透明位係好易裝LED，
因為大部分都足夠放1mm LED(冇就自己磨啦~~)

由於原件內側唔光滑，所以複出黎都變等啞透明.....

尋日我講過，複件時只要空氣走得好就唔會有沙孔。
尤其在透明件時更為重要，
因為透明件只要出現一粒沙孔都會明顯睇到。
其實咁細嘅位，直接噴一層光油就可以好令.....
但我都試吓用仕上目拋光睇吓效果，算啦，都係噴光油好D.....^^!

TEST︰
雖然透光度唔高，但由於啞色關係，散光率更高。

相關網誌︰
MG 1:100 EXIA~1, 凸線變凹線
MG 1:100 EXIA~2, 腳掌改造
MG 1:100 EXIA~3, 腳眼關節改造

CAST(首辦膠)倒模......

最近冇成品，但就成日出埋D改造post，
死啦，就黎春之代變左教學網了~~~~

點樣開模之前已經講過喇。
http://hk.myblog.yahoo.com/rx_167/article?mid=3364

今次再詳細少少講吓點樣倒模~~
因為之前做嘅都係複一兩件零件，所以處理上比較易。
但當一次過複4~5件零件就遇上沙孔或走氣不良問題。
因為如果用我之前嘅方法開模的話，由於cast作業時間好短，入到一半已經開始"型固"(唔識打呀!sorry)，諗到我頭都大埋。
最後終於比我諗到一個方法，就係將倒入cast嘅地方加高，再一次過倒晒入去，
咁就在cast型固化前完成作業。

我用由下推上方式開模。
因為所有空氣都會被向上推，好處係唔會有沙孔。
當然排氣一定要做得好好先可以將所有空氣排走。

由於倒cast位高左，所以排氣口會比平時推出更多cast，
所以我做多一條坑for cast排出時漬存，免得cast太多時影響排氣。
CAST在作業中會開始變白，圖中可先，多餘嘅CAST在作業前已被排出。

完成作業後可以睇到排氣位已排出大量氣泡

先睇一吓零件排位。

白箭咀係倒入cast嘅入口，清楚睇到空氣如何走吧。

脫模後表面相當光滑，而且水口亦都好細，之後處理會比較容易。

完成.....

MG 1:100 EXIA~3, 腳眼關節改造

之前我講過，砌MG EXIA感覺好似砌緊一般1:100咁。
一來因為零件唔多，而更主要嘅係關節修裝飾極差，
尤其腳眼關節，真係衰到貼地...就咁睇似唔似HG嘅產物呢~~~~^^!

因此我用膠板搭左件Parts用黎遮住佢。

咁過份嘅穿崩，我諗朋友們都應該唔會相信係MG上出現........尤其主角機~~~~

呢個自製Parts中間做左一個2mm x 1.2mm嘅扣，目的當然係要做到唔用膠水就咁裝上去啦....^^

由於個扣做到好fit，所以即使冇左前面護甲都唔會甩。

之前個post影完晒先留意到自己未完成，
因為我比較鍾意有明顯嘅接合線，所以呢part我最後都修靚翻條喇.....^^

之前龍千影兄問過會唔會加長腳尖，
其實exia腳尖個parts比較細，感覺上再加長就變得好尖，
就好似日本仔隻開榴槤工具咁，所以都係唔加喇~~

相關網誌︰
MG 1:100 EXIA~1, 凸線變凹線
MG 1:100 EXIA~2, 腳掌改造

MG 1:100 EXIA~2, 腳掌改造

尋日在JKL兄度睇到隻價值97,500円嘅MG EXIA，
佢隻野值幾多就唔係我地諗，但買家覺得值就值囉~~~
不過佢腳尖就改尖到可以開榴槤，真係好唔順眼.....
因此同大家分享一下小弟對EXIA腳尖另一種改造方法。

EXIA腳掌其實最大問題係佢嘅側板。
要將腳掌變得修長一點，我將兩邊側板縮入近2mm(左右各0.9mm)。

留意兩條白線嘅分別....
腳板底零件冇因為改造而影響，所以唔駛改。

拍埋兩件零件可以睇到分別。

腳尖部份，因為側板縮左之後會頂住腳尖，所以斜cut。
但我冇諗過用膠板遮住，原因下面會講。

呢副係原型腳尖。

改造後唔遮膠板，刻意露出灰色零件後，我覺得效果更好。

相關網誌︰
MG 1:100 EXIA~1, 凸線變凹線