平時夜晚費事玩，今日終於有得玩，不過跳左唔知幾多首歌之後就索氣到爆。
之前玩「舞動全身(DC)」跳兩三首就收皮，如今話晒MJ，跳多左幾首，
不過佢首首都鬼咁長，雖然中間唱歌時可以企吓，但佢D動作真係勁過DC好多。
講真DC同MJ，我覺得DC會體貼D，因為一步步咁教，唔識跳到識。而MJ就一套套動作咁教，識唔識都要死出去跳....
不過MJ就多左唱歌仔......
MJ fans就唔好玩easy，因為d動作少左又慢，好難跳，
相反高難度就跳到PK，動作跟到足，又唱又跳，先可以開到5星Rank
(小弟出場....)，一開始個人已經發晒光咁，而且跳時身上會有閃粉，好鬼型....
而由於kinect有兩隻眼，所以上台時個人好立體，唔會係紙板人，放心.....
先入MJ SCHOOL
MJ SCHOOL，就係教跳舞，(仲有靚女教練)，唔知女教練會唔會教RJJ呢....
答案係會......而姐姐跳BAD尤其好睇....LOL
注意，要有8尺距離，否則連樣都冇埋。
有d成首歌都係唱(大部分都係又唱又跳....死未)，
有咪就用咪，冇咪就set好kinect個收音。
如果冇kinect諗住唱k，唔得......因為佢一定要你企係台上，一走開就暫停。(其實冇KINECT的話連GAME都入唔到....)
間中要做特殊動作....做到個人就變MJ.....(哩個動作其實要求係單腳完成.....LOL)
後感︰
Easy可能對一般人黎講會易D，但我D MJ fans跳起上黎感覺太慢，好難入，而且好多動作都因easy關係改左，仲難入....(不過高難度就跳到PK)
其實睇住佢個指示好難跳，成日都跳甩。反而唔睇佢個指示跳得仲好，不過佢有d動作改左(因為地方問題，你屋企唔係舞池)尤其某D意識大膽動作都改左，所以要記....
平心而言，我會中意DC多D，因為難度岩岩好，party時朋友又玩得開心，相反MJ好難做PARTY game，即使easy d動作都太難，叫d朋友上黎睇你表現就得，但以單人GAME黎講，DC個公仔唔係自己，而MJ真正係自己跳自己唱，又有舞台又成班人，自己又閃晒咁，感覺好爽好巨星，尤其歌「HEAL THE WORLD」個台...正。
FANS而言，唔駛講喇，聽歌其一，仲有人教MOONWALK，哩D已經抵晒，留黎自己玩。
有D幾得意嘅，如跳BILLIE JEAN時做，即使唔識MOONWALK只要原地行已經自動向後，識就更型，過引.....
我連跳7~8首已經斷氣...所以MJ一場演唱會跳晒成場其實好抵睇，可惜已經冇得再睇了...........
成就主要都係攞5星RANK...不過係每首歌都要，
十九幾首，首首5星，相信比任何GAME都難開晒1000分.....
