文哥～～有得煲喇。

之前隻蕭邦都未玩（因為未有攻略），
隻王子又係未爆”生還毛”，
今日先文弄哥出左，
都好耐冇玩D咁破壞性嘅game喇。
係時候爆發一吓喇。

塗製地獄之BB戰士（三）～偷膠處理二。

一般偷膠可以補AB膠再打磨，
但遇到一D有圓位或有紋理的情況，
圓位要磨到一模一樣係相當花時間用技術。
有紋理更唔可以單靠打磨完成。
這情況就要用另一種方法.....

三國BB中，關羽的一對大角就係一個有圓位嘅偷膠位，
本來一般打磨都可以做到，不過我想用更快嘅方法。

先煲軟D自由樹脂。

軟左自由樹脂好似麥芽糖咁，
將兩隻角冇偷膠果一邊印落自由樹脂上，
等佢涷左就可以拎翻出黎，咁就成為一個模喇。

加D光硬化筆地落要補膠嘅位。
再將兩隻角左右掉轉吸落個模度。

用光照佢5~10分鐘，光硬化筆地自自然然就會硬晒。

之後補翻D沙孔同缺憾就可以噴灰。

超簡單就可以完成對角嘅偷膠位，仲要一模一樣，幾好玩.....
後面隻角就一定要靠打磨喇。

EVA APHRODITE Ver.2

之前出嘅第一版，綾波麗隻手明顯分左兩節，真係好唔掂，
今次ver.2，係一件成形，上色改左做半透明，好睇好多。

想入嘅A.O.Z都入晒喇。

買埋呢一隻"普利姆羅斯"就可以組合到完全型態海茲爾了。

隻RX-121-1唔關事嘅，因為兩隻FG只可裝在HG模型上。

塗製地獄之BB戰士（二）～關節改造。

BB戰士一大特色就係關節少，
新出嘅BB還好，以前真係數盡都係得5個(頭+四支)。
雖然話BB戰士冇咩pose好擺，不過總有D唔順眼嘅動作係唔改唔得.....

今次輪到張飛出場，
佢隻左手動作真係"冇得頂"，
一個正常人真係唔會企成咁。

為左要擺出盒面嘅pose而整成這種手形(而且亦係一個偷膠位)。
想擺其他pose就變得好困難。
以模型本身來講，邊有可能擺到盒面嘅pose丫......

為左要保留原有造型，所以我會做活動關節。
我用PC膠架cut一個T字型來改造。
其實關節零件可以在模型店買得到，
不過我喜歡自己改，因為就算買到，都同樣要改，
只係現成零件比較方便而已。

保留原來條圓柱，加之前cut下來的T型膠架，再用AB膠造型。
手掌內部用膠板砌成。
而T字位我造成四四方方，因為效果會比一碌圓柱好。

用膠板封好，再用AB膠填平。

噴灰之後可以清楚明白為何我要將T位造成正方型。

依加隻左手就似翻個人啦。
由於使用PC膠關係，所以唔會賴皮(鬆)。
而且仲有活動能力，可以做到盒面嘅pose(?!)喇。

塗製地獄之BB戰士（一）～偷膠處理一。

BB戰士最強的"偷膠技術"，
有人會選擇唔理，因為補都有排補....
而且一盒幾十蚊的簡單模型，又有必要花心神嗎？？
但對我來講，係好玩的一課。

先用三國的劉備玩一次，
嘩...幾精彩....D洞。

先做頭髮果條又長又深嘅坑先，
D日本教學好興成舊AB膠(畢地、AB膠、原子灰、AA膠等，所以在內文都叫AB膠......)塞入去，
真係唔駛錢咁，貴丫嘛。
其實剪塊同大小的膠板封住就可以啦，超簡單。

不過.....都唔可以完全將大坑填平，
依加先用AB膠填平，
之後再打磨.......。

我份人比較環保，呢類洞我會用D冇用的模型膠料填補，
不過會先滴少少滲透性膠水入去(免得日後搖出聲)，再補AB膠。

補完之後當然噴灰睇吓有冇缺憾，
發現有沙孔，今次就直接用畢地補，費事溝AB膠。

完成，靚晒.......

其他地方都做法一樣，
只係鞋位小腿等高低級或斜位，就要造型喇。

咁就順眼好多啦。
餘下就只有雙手及頭部，
雙手的坑位做法有D唔同，
個頭我仲未諗到點整，留翻下次啦。

今日買左好多野呀！

今日除左電腦奇俠外仲買左好多野，
其中買左D補品，不過未諗到可以點用，多數都係EX-S用囉。
Z高達DVD都係想懷舊一番，因為真係唔想得晒個故事喇。
D車仔就我女友嘅，不過佢話唔抵得我買左咁多佢就買咁少，唔開心喎。

SIC～電腦奇俠01 & Double Machine

今日出MK$3XX入左，總算比我預期中平(多數見$45X~$48X)。
我女友成日都話我買埋D肉肉酸酸嘅公仔，其實呢D都係SIC嘅魅力所在。
其實SIC我由vol.01開始，已經買左5~6隻，不過放晒響舊屋，一係就翻原盒，冇位丫嘛。
呢隻影完相之後，都係要翻原盒.......

重現TV版經典一幕。

電腦奇俠同01相比，明顯電腦奇俠冇飯食啦，做英雄真係.....慘。

好鬼變態嘅Arcade Game～波斯王子 Classic

雖然係舊game翻新，不過畫面用3D重新做過，好靚，而且支持1080i，
好過平時果D舊街機game，係咁依提升左解像度就話係HD.....

不過遊戲仍然有不少bug，唔知係唔係以前帶落黎，有時死左都唔知為咩。
D敵人又太強，總之佢斬你多過你斬佢，想完成Survival Mode都幾難..........
不過佢仍然吸引到我，第一關我最快1分25完成(攞齊野)。

總之係好玩啦(我一定要完成Survival Mode)。

今年的生日禮物 & 本週入。

上面三盒係生日禮物，今年玩翻模型，d朋友諗禮物都唔駛咁頭痛。
明知我只砌gundam模型，佢地就買機戰做禮物，包唔會撞.....
我女友就唔駛講，佢知我冇咩冇ZZ，就買個FAZZ。

下面係我本周入手....
FF-X29A係我bid翻黎嘅，其他唔講都知係咩啦。

當然禮物仲有其他禮物，不過模型就係咁多。

最我就係P女同C妹送比我同BB嘅跳繩匙扣....