塗製地獄之BB戰士（三）～偷膠處理二。

一般偷膠可以補AB膠再打磨，
但遇到一D有圓位或有紋理的情況，
圓位要磨到一模一樣係相當花時間用技術。
有紋理更唔可以單靠打磨完成。
這情況就要用另一種方法.....

三國BB中，關羽的一對大角就係一個有圓位嘅偷膠位，
本來一般打磨都可以做到，不過我想用更快嘅方法。

先煲軟D自由樹脂。

軟左自由樹脂好似麥芽糖咁，
將兩隻角冇偷膠果一邊印落自由樹脂上，
等佢涷左就可以拎翻出黎，咁就成為一個模喇。

加D光硬化筆地落要補膠嘅位。
再將兩隻角左右掉轉吸落個模度。

用光照佢5~10分鐘，光硬化筆地自自然然就會硬晒。

之後補翻D沙孔同缺憾就可以噴灰。

超簡單就可以完成對角嘅偷膠位，仲要一模一樣，幾好玩.....
後面隻角就一定要靠打磨喇。