照舊淘大二樓特賣埸，尋晚又有新野......
今次唔關我事，我女友話買，佢話佢砌.....(到頭來都應該係我砌..~.-)
佢見到PG 白突又平，又話要買，不過屋企有，而且有買左紅突，所以慳翻(但都心動)。
完美自護 = $300(咁大盒，仲平過UNICORN，都話女人貪平架啦)
PG 白色突擊 = $560(冇記錯的話)暫見得三盒在架上。
PG 紅突依然 = $760
PG wing 0(特別版) = $900
FAZZ(完色) = $270
發光大魔= $650
仲有1:400 GP03D+果隻唔知咩 = $300
空中霸王=$200
仲有其他野到左，不過冇睇......
有ROAD to 100書仔送。
各位，4點半睇過
自護同白突已經清晒.......
(問左星輝====唔知會唔會再翻)
馬反第二擊.....綠雞(乍德．德加)，
本來可以買埋紅雞，不過我唔慣一日買兩盒模型，所以聽日先...^^
今次係幫襯亞叔買，因為佢係賣水貨，所以好多時都比星輝平。
基本上見到綠雞，大慨都會估到黎緊沙煞比嘅外形應該會比MG版好。
依幾日發現部PC有D異常，味掃下佢囉，點知掃到有木馬，
咁味試吓剷佢囉，點知剷完，D木馬多左成陪.....
冇計啦，一隻一隻剷好花時，剷機就最簡單....^^
好在我有HDD，D files可以過來過去....^^
今日同BB去左玩冒險樂園，橫惦冒險樂園都冇咩好換，本來BB呀換隻三連星，不過我覺得太多渣古喇，所以冇換，用左5千幾分換左隻靈格斯。
行過星輝個特價場，平時我都唔多入去，不過自從掃左隻紅突之後，都總希望會有D平野，咁所以樓下又多左個浦點...^^
行左個圈之後，見冇野岩味走人囉，點知星輝個老闆又叫左我過去，原來有野送，佢比左兩個聖誕紙袋同MG ROAD to 100書仔過我....^^
都話人緣好有著數啦...^^
其實我都拎拎埋埋都有三四種gundam紙袋/膠袋，下次再post俾大家睇..^^
今日又去樓下特賣埸買左隻turn A，
turn A之前我已經砌左一隻，當時一出即買，好似$219...
其實即使turn A唔係太討好，而且我亦唔係十分喜歡佢，
但奈何佢俾到一種特別感覺我，所以$130買多一盒黎擺都無妨....^^
之前所完成嘅turn A
http://hk.myblog.yahoo.com/rx-167f/article?mid=1110
PS3手掣DUALSHOCK 3，冇計，DMC4推出時冇個震掣真係唔得.....^^
DVD SPEED(生死時速)，冇嘅，純粹BB未睇過所以買，因為都係一套好片....^^
題外....
之前亞叔買紅突要成$12XX，尋日同大佬去睇，
可能佢先星輝開倉特$760，所以即刻降為$8XX。
今日再去睇，見到俾人買左.....
我諗以$8XX買果位人兄行多兩步見到賣$760，佢個心情又會點呢...........
淘大二樓尋日又有新到平野，
首選PG STRIKE ROUGE+Sky Grasper = $760(唔係好多，得翻十令盒，賣晒就冇<--佢話。)
機動警察3合1=$230
好啦，本來諗住翻新隻PG STRIKE ，
依加唔駛啦，有盒新嘅.........^^
另外海盜KA版=$155(to 大佬john)
Devil May Cry 4(DMC4)，似乎係近期一隻勁多人期待嘅game。
對我黎講，DMC只係一個品牌而已，如果近期有game玩我都唔會考慮佢....
因為我唔係佢fans......
尋日出左試版，當然第一時間down黎玩，
而且今次係x360同ps3都有，所以可以down黎睇吓有咩分別。
講畫面，因為我ps3用HDMI，而X360係色差，所以我自問唔會去比，但大致冇分別。
動作上其實兩者同樣流暢，但過場時PS3比較流暢(唔係播片，係即時計算)，
在第一個過場，主角步入二樓時腳位特寫同雪地斷橋倒塌時對面坐塔，X360會出現微震，其實成個demo都係細心留意先甩到依兩點，而步入二樓時比較明顯......~.-
手掣方面，其實一直都係X360比PS手掣好揸手，始終MS玩人工力學，而PS手掣純玩外形，經常玩到手抽根......@@，但今次操控上PS3明顯比X360得心應手少少，可能因為DMC本來就係PS2遊戲，而X360就要花D時間適應吓.......
平時如果有遊戲係有X360同PS3版，我只會買X360，因為X360有得開成就，而且即使PS3嘅CELL有幾勁都好，但在實際表現上兩者分別不大，而且PS3讀碟時間長及內存不足問題，往往令PS3冇法有好表現，因此X360版都會比PS3好。
但今次我諗會例外，因為兩個版都係$388，在我而言，即使只係一少少分別，當然係買表現最好嘅版本啦，而且係Blu-Ray，相信問題係在於CAPCOM係先開發PS3版，後再過底出X360版，因為架構在PS3上，所以所有都係PS3優先。
我只怕正式版時會好似龍忍咁打打吓LOAD碟就真係PK喇.......
冇成就開又係PK，手抽根好痛苦架......~.-
不過好在係單機game，如果online，一定買x360唔駛諗。
仲有，隻game唔夠貸，即係炒硬.....
岩岩有人講開依隻game，咁岩又係一隻我的最愛之一，
所以就寫吓佢啦.....^^
相信有玩過《零》系列嘅人都一定會認同此game非常之恐怖。
而第二集《零～紅蝶》，在日本被喻為史上最恐怖遊戲第一位(第2係死魂曲，第3唔知)，
此系列一共有3集，當然地我都係集集唔同版本都有買，xbox我有1~2集，ps2有2~3集。
可惜嘅係xbox版並冇推出第3集，因為在聲晝方面都一定係xbox比ps2優勝，而最重要係xbox版有5.1，臨場感絕對冇得頂，ps2版雖然被比下去，但鬼叫ps2出先，所以都係第一時間玩重要D。
《零》故事係以日本真人真事改編而成，當年推出時真係嚇親唔少人，而香產電影《咒樂園》亦以此為故事架構。
其實故事本身係相當單薄，畢竟真人真事總唔會有咩新意，妹妹搵哥哥就係咁簡單。
但遊戲系統就相當出色，一個手無寸鐵嘅女仔，只可以用一部有吸魂功能嘅相機去不斷吸魂，冇菲林就為有走........
途中可以搵到唔同嘅鏡頭同道具去升級你部相機，以做成最大"殺傷力"。而當影到敵人最近嘅大頭再加上鏡頭顯示嘅封印(對焦)儲最大時，即殺傷力最大，但亦係最易中招嘅時間，所以最有效攻擊法就係先確保背後有足夠地方後退，之後一路對焦一路後退，直至儲滿封印先幫"佢"影張大特寫....^^記住留意要用最勁果隻菲林喎。
不過有招連環快拍，唔記得係第幾集先開始有，相當好用.....
未係大頭，等多陣先影啦......
《零～紅蝶》，續上集好評而推出嘅續集，但跟上集故事全冇關係，而系統全保留，當然道具增加左，畫面亦更加成熟，故事亦係3集零之中最好嘅一集。
今集要控制兩個主角，感覺上係多餘左d，純粹為左故事而已。
而《零～紅蝶》在XBOX版本中，亦加入第一身視點(FPS)名為Director's Cut Mode，再加上5.1聲道，真係現場一樣......而且又加入更換水著。
不過今集好多"敵人"都唔會成日俾魂面你影，所以要把握時機。
第一身視點，隻鬼在背後時後置喇叭出聲，你都咪話唔激......
嘩....依個特寫一定好高分。
水著都幾Cute架...^^
《零～刺青の聲》，當時玩依隻game果時我係零晨一人左房裡玩，好鬼驚。
故事只可以講係夾梗將前兩集加於此作中而成為《零》嘅完結。
主角要在夢中同現實兩個世界搵答案，都可說係有點新意。雖然故事單薄及遊戲時間亦比較短，但遊戲性同臨場感絕對係三集最強。
而今集可以使用3個角色，包括本集主角，第一集主角同第二集果兩姊妹嘅哥哥，各有唔同能力，而相機攻擊力亦有所不同，畫面亦大幅度提升。
由於"敵人"在最凶狠時身上會出現刺青，同樣地亦係大特寫時候........
而敵人攻擊亦有所提升，尤其兩母女就更是難應付，因為一個高，另一個到你條腰，如果一齊攻擊的確有d難搞。
而另外一隻只會出現在地台底(即係d日本舊屋下面會離地幾尺果個位，唔知叫咩)嘅女鬼，我問個個玩過此game嘅人都好驚同佢打(影佢)，唔係因為佢勁，而係因為佢個樣好嚇人，加上只係一條路嘅困獸鬥，我有時見到佢真係避開唔直接同佢打而走人........
刺青滿身係最佳時機。
依個就係大佬喇.....
兩母女其實好慘，佢地只係想你幫佢地而已.....
依隻就係地台底木鬼，當佢滿面刺青時就更加恐怖，正式玩果時真係唔敢望佢.......
《零》在日本推出過一隻手機版叫做《REAL．零》，玩法同家用版差唔多，有趣嘅係要用手機鏡頭玩，我諗大家都明佢玩咩喇....^^
唔知大家有冇試過「被鬼責」呢??
在我細個嘅時候成日都想知道或想試吓被鬼責係點，不過一直都冇發生過。
直至幾年前終於俾我試到.....^^
我係一個一d我唔怕神怪野嘅人，但我信，因為我細個時成日都有機會遇到。
因為我住秀秀茂坪囉...^^，只要係肯試，就有好多野等住你去玩。我曾經寫個d個人做事擺上自己個website，不過加下d人咁鍾意不問自取人地珍貴嘅心血，所以依加有blog都唔寫lu...^^，之後搬左去將軍澳，應該27歲咁上下先黎第一次被鬼責。當時因為我唔驚，所以全程每個細節我都save在腦內....係一個經歷丫嘛。直至到feel到果件野開始同我面貼面時，我就知有危險，好在用力一掙扎，就可以成個人彈起身....知否俾佢面貼面時，即使只係一陣間，你第日都會發病，所以到此為止。
依加搬左黎新屋，在入吉之前已經搵左高人睇過風水，有人問我，年青人咁迷信做咩??其實唔關迷唔迷信事，只係買樓唔係一件簡單事，我果頭沙士死咁多人，而且身邊又有高人在，點解唔買個安心啫...^^費時日後有咩事，層樓未賣得就真係......~.-
事源某日中午我在沙化上訓著左，又無啦啦被鬼責，而且一切都好實左，不過我心情已經同以前唔同，因為我花左咁多心思落間屋度，無啦啦黎搞我....
於是我同佢地講「唔應你地走啦，唔好在我新屋度搞」之類，最頂引係佢地俾左D野我揸住，當我叫走左佢地之後，個人係睜大眼，而手裡仍然有揸住野嘅感覺，當然地，想睇吓係咩啦，當張開手時，揸住野嘅感覺亦慢慢消失，係真係feel到佢消失......最後當然係睇唔到啦.....
過多一排又係下午，又再黎多次，不過今次明顯feel到係比之前果d"有野送"嘅惡好多。似乎在有危機感底下掙扎醒左。
其實我地成日都會訓沙化，因為實在太舒服喇，有時會訓到第二朝都唔返房，所以證明果d野只有下午先出現。
我冇同BB(我女友)講，因為間屋得我用佢，費事佢亂諗。不過佢見識仲多過我，因為佢細個有陰陽眼，見慣晒，之後比呀高人幫佢封左，費事佢睇咁多喎......~.-
上兩星期一個下午，BB就同我講岩岩佢"被鬼責"而且試過兩次，我就問佢，「你係唔係訓沙化同次次都係下午呀??」，佢答我係...佢話feel到佢係在窗多入黎.....
咁果日連bb都知道，咁味同佢講翻之前兩次嘅事囉，跟手就打俾呀高人算一算發生咩事，不過呀高人成日都冇記性，到依加都未覆我...........~.-
總括黎講，只要係下午，而個頭向住窗口(因為我張沙化係貼窗口擺)就好大機會遇到，其實我相信佢地係入唔到黎，所以只有頭向近窗口佢先可以整到人...^^
不過依排我地都冇特別去理依回事，一樣係會訓沙化。BB話「咁我想訓就訓架啦，唔通怕左佢要翻入房訓咩.....」
我試過5~6俾「被鬼責」，而只有兩次我係知道自己壓著D神經而唔陏得，因為係分得到，至少我曾經有過揸住一件實物嘅感覺........
我諗，今時今日，就算唔係玩影音嘅家庭，有三四個remote都絕對唔出奇。
十年前我部yamaha amp嘅學習搖控已經可以控制晒我家中嘅大部分電器，所以我一向習慣用一個remote，可惜時代唔同，十年前只係得LD時代，所以冇DVD果個方向制。
學習搖控唔係咩新鮮野，多年前個朋友玩果隻成個月餅盒咁，用輕觸屏幕﹛型到爆，都係講緊千千聲，直覺上認為係HiFi友先會玩，因為我冇錢...^^
一年前搬新屋後，無啦啦YAHAMA個AC-3解碼器(DDP-1)壞鬼左，而且解碼器依加野又out晒，咁咪買過部天龍amp囉，買天龍係因為佢又平又有5.1output落其他amp度，咁諗住當解碼器用，點知今時今日3千幾貨仔勁過我十年前皮幾野嘅YaMa雞，把心一橫直接用天龍把就.........以前覺得天龍d聲好單薄，唔知係唔係年幾大左，好似順耳左...^^
但佢衰在冇學習搖控，搞到我成日要左搵又搵......
因此Logitech harmony我睇中左好耐，主要係因為佢係for xbox360，當時新出果時要成$1099，好似唔多舍得，依加$6xx有交易，當然可以諗啦.....^^
其實佢都之後佢都出左好多個高級型號，但價錢亦同樣高級...~.-
Harmony好玩左可以網上update，基本上所有remote嘅Device都可以搵到，包括我個尚朋堂風扇同岩岩買嘅國產HDMI Switch都搵到(好在買個有搖控嘅Switch)，好方便，如果冇就自己Learn，即同時upload上網大家用....^^
缺點.......
開頭玩set野玩左成晚，好鬼煩，而且個個動作都係online，花左好多時間，
不過煩完一晚以後就安樂晒。
手感就咁揸係好ok，不過噤上面D制時就唔係咁好喇...~.-
全英文介面，不過來來去去都係果D，所以都唔難搞。
PS3係一定用唔到，因為係藍牙。
我部TV係用循環式選擇input(即係噤一吓係av1，噤兩吓係av2.......)，咁就難搞d，因為如果你之前唔係用組合mode較input，當按組合mode的話就會搞錯input，因為佢都係自己數，所以要自己噤翻。不過我用左另一個有單按嘅型號代替我果部......^^
都係果句啦，$6xx已經好抵玩喇，如果解決到循環式問題，我就相當滿意喇.....^^
今日出街諗住買D高清野，結果未見官先打八十.........
因為我部TV得一個HDMI插，所以要買個分線器，依隻3 in 1 out，我PS3+DVD+HD機頂盒岩岩好夠，不過我問過佢有冇分得更多，答案係.....冇，所以頂住先啦。
而佢好在有埋搖控，兩舊幾算係咁啦，不過未知畫質如何，不過佢用火牛，即係有電推，而且HDMI，應該冇咩問題嘅。
Logitech xbox360 remote control，想買佢好耐，六七個remote真係好鬼煩，搵都有排搵，小弟懶到連風扇用remote......
依隻remote又用到X360，手感又好，可以網上update，不過PS3就用唔到，因為用藍牙......
等陣慢慢玩，好似好複雜咁...~.-
最後都係冇買機頂盒，我女友話等新春大減價喎.........~.-
有冇兄弟知道邊隻機頂盒最好........
某刊物話曾志偉賣果隻最好，但我早年買左佢部LCD諗住擺房打機，覺得完全中左招，就連我女友都話叫我擺廁所，買過部。
又去左12支買油，點知最後買漏左支1000畢地....又要去買過。
依幾日要埋屋，冇時時砌unicorn.....下星期先砌啦....^^
題外....
有日行過某大電器連鎖店，我女友聽到個店員同個客講，「現時最高係1080i」，冇聽錯，佢係話「i」。
佢老闆真係超老點，如果個客聽佢講而買左就真係“唉”囉。
今日又上左某大品牌嘅Show Room，睇見佢部頂級HDTV播“功夫”blu-ray，
我女友話好靚，叫我睇吓，睇完之後我就問女友「你見到星爺D頭髮嗎??」
一撻黑色野搵條毛都冇，唔係有塊面，我都唔知係個人頭，1080p又有何用呢??
品牌真係可以令一個人盲目........
事實上，當初我都因為佢個品牌而想買佢，但好在我個朋友買左，一睇之下，就打消晒所有念頭，走鬼左去買三星，貪佢5年連屏幕保養，當時1080i，點知過多兩個月就出1080p.........
今日BB出左街，咁我可以有時間假組埋隻獨角獸，
依隻野好令人頭痛，因為佢係百分百花油王，變型仲要左"咔"右"咔"，你都咪話唔驚........@@
所以好多位都要處理，我有考慮唔變形，但咁又好似稱唔上unicorn gundam.....~.-
獨角獸好多地方都做得好好，分模線亦唔難處理，但D水口就衰格左D，打磨上好易過火，要好小心.....
成隻野花左4日時間去假組，一來零件多同細小，而透明件cut完水口亦要做翻拋光。
十幾粒細細粒嘅彈夾都要補翻D偷膠位，真係補到傻。
依兩碌野都唔知點上色好，因為佢係兜野插入個背包度，花梗........
Bandai個官方圖竟然爆漏左條腰，唔知佢知唔知呢??
