未發生先擔心..........

我老豆已經80幾喇，身體唔係好差，而且比一般老人家更行得走得。
不過自上年入過醫院後，身體差左，但都冇咩特別，只係比平時訓多左而已。
但即使行得走得，佢年幾咁大，我地已經有心理準備喇。

上星期佢又入左醫院，留左一晚就出院喇，個醫生冇開藥比佢，只係話佢血壓低，血糖抵,總之咩都抵。
將平時D藥減左就算喇，出院後行路就開始似翻個亞伯.......

不過我尋晚翻到去見到佢又龍精虎猛，亞媽話佢成日好似患左「過度活躍証」咁，成日周身陏坐唔定。
我已經心知不妙，不過我同亞媽講，可能同D藥有關啫。

今日亞媽打比我同我講，佢話亞爸可能就唔得喇，我真係不禁喊左出黎。

我諗大家都知咩係「回光反照」，科學上係話，當一個人去到最後果段日子，身體就會將剩餘嘅能量發放晒出黎。
所以我見到佢忽然後生晒，雖然心中有數，但都唔想面對，
之不過亞媽咁同我講，我諗所有家人都應該要去面對......

仍然GTA4

龍忍2已經進入倒數階段，呢段時間仍然玩GTA4，不過已經唔係純玩任務喇，因為我已經爆左兩次，之前玩十幾個鍾就爆到機，而加玩左廿個鍾先岩岩識到亞kate(約40%)。

GTA4主線任務當然好玩，不過都打左兩次喇，我加吓將主線放在第二，得閒玩吓做 job，溝吓女，同d朋友打吓bowing，督吓波。總之有朋友call就同佢去玩，所有信息都睇晒，因此d好感度有升冇減。上半部可以玩嘅任務都玩晒，手頭上亦已經有齊所有女友。
而事實上即使唔瘋狂殺路人，本身要玩嘅野都有排玩，只係間唔中開黎玩吓都好過引。

我一向理論，一個遊戲頭一次爆機只係試玩，之後熟左系統先至係真正細味遊戲嘅時候，所以CC成日話我D GAME好抵玩，因為一隻我平均爆3~4次。而3隻龍忍我加理都爆左10次，因此唔駛攻略我都可以搵晒D隱藏野....^^

GTA4本身好多有趣爆笑位，我最鍾意同D朋友落吧飲酒，真係好鬼過引，
而有時會聽到D敵人講D好搞笑又唔正嘅廣東話。
最有趣我覺得係佢個自由神像，所以今日特登飛去影張相比大家睇....^^
我真係頂佢D開發人唔順，而且肯定有香港人，因為打劫銀行時會見到個大型廣告板，上面寫住「您有冇臭鞋呀?」。

呢個叫「快樂的自由神像」，有冇D覺得佢明串希拉里呢，上面橙色光係全城200隻白鴿中其中最難打中果兩隻，要用直昇機跳落自由神像第二層用追擊槍先打得中到。

唐人街可以見到「補鞋大佬.......您有冇臭鞋呀?」大廣告板。

有錢佬地方有一架直昇機唔駛搶都可以用架...^^

未見官，得比3舊

今日正式去左訂x360嘅「忍者外傳2(忍者龍劍傳2)」。
如果玩開xbox嘅，對龍忍相信已經絕對熟識，其變態系統只會令對此遊戲有兩種反應，一係唔好玩，二係超好玩。
唔好玩...........如果玩開如三國無雙式斬草殺法，在龍忍遊戲裡必定被嘍囉級敵人殺至冇晒鬥智，咁點會好玩??
超好玩...........因為當中敵人AI及華麗招式，絕對令人沉醉。
在上世代遊戲機中能有最高9.4評價，就只有龍忍，直至到X360嘅GOW以9.5評價打破記錄。可想而知，在上世代時，即使PS2有被稱為龍忍對手嘅戰神(9.3評價)都未能動搖神級動作遊戲地位。

所以在次世代又點會唔令人期待「忍者外傳2」呢。

今次我在OK便利店訂，因為只要在5月28日前到OK或玩具反X城訂購「忍者外傳2」可以免費下載忍者戰衣用OK甜筒一支，快D去訂啦($329)。

免費下載忍者戰衣----->>>

你個書櫃變成咩樣??

尋日去三記有75折，買左幾本書，不過之後先醒起屋企個書架已經打爆晒.....
見到咁亂嘅書架.....影比大家睇吓啦...^^

DVD已經3層，分前後兩排.....FULL左，舊時D VCD當然地入櫃。

D GAME又係頂到上頂，後排隱藏左X360、XBOX同PS2。
下面果層係D古怪packing嘅DVD同CD....

其實我好好學架.....我至鍾意D大大本嘅書。
基本上除小說外我咩書都會睇。增加自己學識以外嘅知識幾好架。
最鍾意真人真事鬼書，所以D老作鬼吹燈我唔會買，download落psp睇就會.............
當然仲有好多模型書，不過唔係呢個架。

新MG.........

等左咁耐MG 太空坦克終於要出喇，不過RX-78的確如我所料，真係TV版........個樣真係頂佢唔順。

 

10分賊.....GTA4

上星期其實已經完成左GTA4嘅主線故事，不過冇時間update個blog，因為要剷電腦。而加正在由頭玩過。

GTA4在各大遊戲網站均評級為10分滿分，而且首週銷量亦打破左HALO 3成為全球大賣遊戲，單係首週銷量合共600萬套，已經令ROCKSTAR GAME有4憶美元收入，的確利害。

當然在香港呢個玩日系遊戲大嘅地方，總會有唔少人因為唔鍾意玩美版遊戲而對GTA或其他美式遊戲抗拒而錯失左唔少勁作，如PS2時期嘅戰神(God Of War)，我有個好鍾意打機嘅朋友竟然唔知係咩，原因當然係因為佢冇留意美版game囉。
反而由日本廠商Capcom開發嘅Biohazard 4(生化危機 4)，明顯已經走上美式遊戲化，卻有咁多港人去玩，其實Biohazard系系列都係由美式遊戲Alone in the dark系統構成，只係好多人未接觸過Alone in the dark，就以為Biohazard 4係3D驚嚇始祖..........
就係因為一個奇怪嘅觀念，令人生玩少幾多好game呢.....

其實遊戲本身值唔值10分呢??其實係值，不過我比9.5分(因為冇上集咁自由)。而且我都係玩日系遊戲大嘅，外國人心態總係難明嘅。我見個一個外國朋友上我屋企玩GTA-SA，佢就完全唔玩主線，成日剩係打家劫舍，我一直都唔明佢點解咁都有引......
在今集GTA中，我終於試到老凹嘅爽快，因為遊戲本身分支好多，自由度好高，有時唔想做任務，都可以行吓搵野搞。而且X360版有各種成就開啟，如10秒內連爆10架車或在6星級通緝下生存5分鐘等成就都相當有挑戰性，而要做到6星級通緝更加係唔容易，有時唔造案，同D老友去玩吓保齡督吓波，又或事上網溝女等，都一樂也。事實上GTA有趣嘅地方亦係在於你日常生活唔會做嘅事都可以在遊戲中做到，如老凹亞毛......
今集加入左手機系統，相當方便，因為好多時d任務都可以在手機中睇到，而且在人與人之間亦係相當重要一part，搵job都要靠佢。不過有一個問題，就係要識基本英文同電視要大，否則真係睇到你鬥雞，有時miss左D任務都只可以怪自己唔睇信息........
不過同上一代GTASA相比，卻刪去飛髮舗玩健身等有趣店舖，如果可以有翻我一定會比10分，因為上集我總愛飛個爆炸頭加人字拖+食到肥肥仔咁，真係型到爆。

注意事項︰
1, 要同D朋友保持關係，得閒約出黎落玩吓食吓，因為日後有D技能要扉朋友。
2, 偷到靚車可以拍起屋企樓下黃格內，咁日後就唔會唔見。就好似Brucie比你果部林保堅尼，你起街真係想偷到偷唔到。

3, 老凹就搵的士佬，有時佢車完你之後可以唔該完佢就老凹，好多時有成5~6舊錢，比一般老凹多好多。
4, 路程太遠可以坐的士，落車後跟手殺埋的士佬....^^
5, 唔想揸車又冇的士，可以call Roman嘅租車服務，堂兄弟唔駛錢架，不過唔係時時有車...
6, 買軍火搵你老友Jacob，因為佢D軍火比槍舖平好多，但佢唔係成日得閒。
7, 注意手機信息同上網睇E-MAIL，在遊戲中好重要。
8, 唔係所有紅色箭咀都要殺人，有時要留意佢講d咩，可能只係要你影張相，殺左佢的確係可以過版，但亦可能會失去一個幫你嘅朋友。
9, 留意街上出現嘅隱藏人，有時可能會成為你朋友，日後有job關照你架..^^

日系遊戲一定唔會有如此樣衰嘅男主角，否則一定唔好賣。

畫面細緻度已經唔駛多講。

各種唔同交通工具任你揸。

唔相揸車亦可以搭下火車坐吓的士，幾爽呀。

街上人流亦相當多，揸車真係要小心D，不過在GTA世界，殺人放火都已經係閒事....^^

今集手機在遊戲中相當重要。

我好鍾意老凹(殺)的士佬，因為佢身上最多錢。

雖然遊戲中個城市叫Liberty City，不過其實係New York嘅翻版。

online對戰雖然係今集其中一個賣點，不過就唔係咁多人玩..........
似乎做任務比對打吸引好多。

原來愛上賊...........

好喇，今期最熱都係非GTA4莫屬，雖然唔係第一時間買，因為之前叫樓下訂左，所以唔係炒價...^^
不過玩左一陣，個畫面轉得太勁，暈暈地，不過上左車就好好多。

另外，換左三國士兵紅色小吉，雖然全4色但實際得兩個樣，但D刀刀劍劍就有3種，不過我都係會再換多隻渣古就算喇.......