未發生先擔心..........

我老豆已經80幾喇，身體唔係好差，而且比一般老人家更行得走得。
不過自上年入過醫院後，身體差左，但都冇咩特別，只係比平時訓多左而已。
但即使行得走得，佢年幾咁大，我地已經有心理準備喇。

上星期佢又入左醫院，留左一晚就出院喇，個醫生冇開藥比佢，只係話佢血壓低，血糖抵,總之咩都抵。
將平時D藥減左就算喇，出院後行路就開始似翻個亞伯.......

不過我尋晚翻到去見到佢又龍精虎猛，亞媽話佢成日好似患左「過度活躍証」咁，成日周身陏坐唔定。
我已經心知不妙，不過我同亞媽講，可能同D藥有關啫。

今日亞媽打比我同我講，佢話亞爸可能就唔得喇，我真係不禁喊左出黎。

我諗大家都知咩係「回光反照」，科學上係話，當一個人去到最後果段日子，身體就會將剩餘嘅能量發放晒出黎。
所以我見到佢忽然後生晒，雖然心中有數，但都唔想面對，
之不過亞媽咁同我講，我諗所有家人都應該要去面對......