最近入左咩........

近期真係冇update過d咩，多數都係轉貼人地d野......^^
其實一來少買野，二來懶得影。
不過今次想多謝一吓"傻小子"(傻兄)，所以update一吓啦......^^

先講左隻鐵人式先，呢隻就係傻兄送比我嘅生日禮物，雖然遲左成個月，
其實當日傻兄約我話因為我樓下開左間新模型店，同時拎份生日禮物比我......
我當然唔知係咩啦，但傻兄一場黎到，我都只係一心想同佢行模型店啫.....
點知佢山長水遠黎就只係純粹拎份生日禮物比我，唔行模型店，當時我真係唔知講咩好，
其實傻兄太客氣喇，上次幫你只係便心，但估唔到你比咁厚禮，下次唔駛喇...^^

到呢刻我都唔知講咩好，所以都係一句"多謝傻兄"。

三國BB我都話一定入，因此趙雲冇得走啦...^^

幾星期前入，本身冇咩GAME好買，諗住買PS3嘅MGS4玩吓.....
但結果買左呢3隻︰
1, the iDOL MASTER $110，百一蚊全新，比女友玩真係抵到爛，而且又好玩.....
不過同上集唔同，上集係育成，今集係節拍。

2, BURNOUT Paradise $160，BURNOUT 3真係超好玩，但最衰佢集集玩法都唔同，所以唔敢亂買....今集得個靚字.....$160差唔多啦，但都係BURNOUT 3最正.....

3 sega superstars tennis $115，一個字「平」，又可以online，女仔又岩玩.....抵買!!

三隻加埋都係3舊幾，有排玩，好過一隻幾粒鐘爆機嘅MGS4($379)，所以唔買住...^^

另外，PS3頭D，$199連特典，所以都話唔駛心急啦，但$199都未能另能心動，因為一隻hit game咁快回落到$199一定好玩有限，所以....$150先同我講啦.....