最近日元高企，呢隻只係840円嘅1/144 0 Raiser就炒到鬼咁貴(都唔知點解......=.=)
樓下星輝要成$89....，聽講mk英x最高要$120....痴孖根嘅。
講說最排大慨日元太高等原因，冒險樂園已經好耐有翻貨喇，
睇左成個月都未有0 Raiser，諗住去唔入啦，
點知今日終於到貨，1680飛，抵到爛(一隻三國B=14xx飛)，梗係唔駛講即換啦。
所以都係冒險樂園最公道.......
但又話說原來唔係所有冒險樂園都有咁多模型換，我見坑口果間果d都係舊野，
所以要換新模型都要睇吓邊間喇.......^^
之前話訂嘅LED已經到左，足足等左成兩個星期。
但結果佢都係只寄左兩隻色俾我(紅、綠)，黃就冇左件事.....
當收到包裹時只見到得兩包(明明order左三包架~~~)，幾驚佢寄少隻紅俾我呀~~~
好在最重要嘅紅都到左，唉....嚇死。
只可惜JKL order隻黃冇到，因此同JKL兄講聲抱歉先。
聲明︰
之前有blog友問我係邊度order或同我share等等。
其實呢隻size我係託我親戚訂嘅，所以係街見唔到都唔出奇。
而且呢d只係小數目，我仲食得起嘅。
更重要一點係，我唔係批發或零售LED，只係覺得呢隻LED好岩模型用，
由於我有一定數量，因此可以分俾大家玩吓，亦係FOR 同好者 ONLY。
如果想要呢隻size嘅blog友可以用"私人回應"PM我(只有紅2.4v、綠3.0v)。
短期內我都唔會再order住，下次再order應該係5月(黃色2.4v同藍色3.0v)。
XBOX360版獨佔雙章節的第一章內容已經出左喇，等到我脛都長埋....
今集下載要1600點(約$160)，不過內容有成2G，整個遊戲時間大約12-20個鐘左右(同GTA4遊戲時間差唔多一樣)，所以絕對抵到爛。
不過講明係下載內容，係必須要有XBOX360版GTA4隻Game先得~~~~
成就分只有100，因此剩下嘅150分應該係for下一章用....
本章主角係"Johnny Klebitz"而唔係上次個大叔，玩法同之前一樣，加左新人、新車、新武器，新任務等等~~~~用翻原有版圖，所以上集玩到熟晒嘅city，今次已經再冇難道了~~~
所以之前我成日都叫大家買X360版就係因為呢個DOWNLOAD只係x360 only喇....
今次唔寫咁多野喇，因為冇時間囉~~~百六蚊自己賣喇~~~~
好耐冇買figures喇，本身對山口北斗好有興趣買晒成set，不過上次去日本買左兩隻之後已經再頂唔順佢d質素，所以都係慳翻喇~~~
呢對figma相信有好多人都會買，小弟亦唔例外。當時佢發佈嘅時候已經有「唔理幾錢都要買」嘅打算，點知一等就等左成年，實在等到差d唔記得左~~~
講真，我就覺得figma不論上色及擺pose都正過山口喇，至少唔好有果d"卡卡"聲好難先企得穩嘅波波關節啦。
見到kog兄玩緊，不過佢好似話冇金會員，所以唔挑佢喇~~~
其實呢幾日都仲會玩sf4，因為D LED未到手，
下星期就會全力去搞UNICORN了~~~要挑我就好挑喇，下星期唔采你喇~~~
而隻1/144 00就係自己嘅，不過冒險樂園未有飛機換播~~~
