LED已經到手~~~

之前話訂嘅LED已經到左，足足等左成兩個星期。
但結果佢都係只寄左兩隻色俾我(紅、綠)，黃就冇左件事.....

當收到包裹時只見到得兩包(明明order左三包架~~~)，幾驚佢寄少隻紅俾我呀~~~
好在最重要嘅紅都到左，唉....嚇死。

只可惜JKL order隻黃冇到，因此同JKL兄講聲抱歉先。

圖中所見︰
上面係一般3mm 超光LED
中係我Order嘅超光LED
(最下面)只要cut左個頭再打磨一吓，size仲細過粒米....
不過有時留翻個頭對聚光相當重要.......
紅、黃=2.4v
藍、綠=3v

聲明︰
之前有blog友問我係邊度order或同我share等等。
其實呢隻size我係託我親戚訂嘅，所以係街見唔到都唔出奇。
而且呢d只係小數目，我仲食得起嘅。

更重要一點係，我唔係批發或零售LED，只係覺得呢隻LED好岩模型用，
由於我有一定數量，因此可以分俾大家玩吓，亦係FOR 同好者 ONLY。
如果想要呢隻size嘅blog友可以用"私人回應"PM我(只有紅2.4v、綠3.0v)。
短期內我都唔會再order住，下次再order應該係5月(黃色2.4v同藍色3.0v)。