ReZEL (一︰分件)

其實我仍在忙於工作，所以好難講去唔去到笑笑團~~~
事關我年年報名，但年年失蹤，本身都想完成左先join。

今日開左隻ReZEL黎玩~~
先改左預期要改嘅地方先。

腳部合得太埋~~

兩邊增加2.5mm先。

待膠水乾透後再修補翻D "喇"位。

後面噴射器要補夾口，所以要將灰色部分分件......

上色後一拍入去就可以卡住，相當方便。

背部兩邊偷膠正正在當眼位，太顯眼了，必須加塊野遮一遮。

一貫做法，用翻佢原有嘅筍口黎卡住塊新parts。

頸部似乎係1/144必改嘅一個部分。

其實好簡易地加幾塊膠板完成。
肩膀位的攝影機亦已經拆下，只係膠水未乾，留待下次再講。