上次test手指因為要測試可能性，所以而加隻test手指已經殘晒....
今次正式做好第一隻手指，順便分享一下製作過程。
我已經唔記得係幾時開始有超可動手嘅諗頭，大概係由大佬john比左3條1.5膠條開始，因為當時佢話用黎做手指，結果而加果幾條膠條都變黃晒，終於出手了.....
大家可以睇到手指其實相當之細，所以我必須用指甲夾住黎搭。(超地獄..........)
先用0.5mm膠板做中央骨架，再用0.3mm做外圍扣住中間的0.5mm膠板。
每節關節都係2.5mm x 1.5mm。
再打磨出圓位。(上為test type，而灰色球形只係試位而已。)
底部可以睇到緊扣的方式。
成日都有人問我綠色係咩黎，
綠色係Gundam marker，純粹求其點兩野用黎分別底面而已。
測試屈曲的幅度，注意指頭可以屈入多一點，之後會解釋。
(左為test type)
因為要對齊每一節手指，因此先用0.3mm膠板包好手指上面，方便對位。
每一節都係2.5mm x 1.5mm。
對齊後再貼上兩邊的外圍。
同樣，節一節都係2.5mm x 1.5mm，至於斜位就1.0mm。
膠水乾透後，將厚度1.7mm打磨至1.5mm及打磨指頭厚度約1.3mm。
新版同test版最大分別就係正式版係尺寸及斜面都有準確計算過。(上為test type)
屈曲的幅度，之前講過指頭要屈入多一點，
因為打磨後指頭會有一點斜面，屈入一點後內側的角度就成90度了。
底部可以清楚了解關節的細緻度吧。
指頭係比其他指節細及尖一點。
屈曲後可露出圓位，相當有實在感。
哩點就係為何我用上5層膠板的原因及所追求的細緻度。
相關︰
BLOG友笑笑團2011︰ReZEL (一︰分件)
BLOG友笑笑團2011︰ReZEL (二︰補夾口)
BLOG友笑笑團2011︰ReZEL (三︰刻線及盾牌)
BLOG友笑笑團2011︰ReZEL (四︰都係加細部)
BLOG友笑笑團2011︰ReZEL (五︰單眼機?!)
BLOG友笑笑團2011︰ReZEL (六︰玩手指)
真係好精細,拍得上PG, 睇來有排你受,要整10隻手指..
回覆刪除[版主回覆04/14/2010 00:10:00]PG只得3層夾住，我有5層呢~~~^^ 所以我咪話佩服kaku兄咁有心機囉...
我果D未黃喎 果D MK2人仔自由樹脂膜我咁o岩今日拎返出黎用, 吸人仔整情景用..
回覆刪除[版主回覆04/14/2010 00:13:00]我就咁插住起筆筒，所以比其他膠條黃D...
你整1/100咩....
真係focus唔到, 睇你哋D心機好嘢算...
回覆刪除[版主回覆04/17/2010 07:04:00]到時拎個放大鏡比你~~^^
我都係睇下算啦 !
回覆刪除[版主回覆04/17/2010 07:04:00]唔難架，試吓啦~~
細致度同造型都好得好得, 當然可動更加得!
回覆刪除每次睇到有師兄造呢種手指都由衷咁敬配你地ge毅力同技術...!
[版主回覆04/17/2010 07:09:00]所以我好佩服kaku兄架....
我一直都好佩服玩手指可動既朋友， 整足十隻手指，真係哂唔少心機同時間， 讚！
回覆刪除[版主回覆04/17/2010 07:07:00]一日一隻手指....^^!
一向都好佩服Marco兄對細節既要求, 今次玩埋1/144手指, 除左再俾多個"勁"你都唔知點講好! btw, 你製作時係用雙星綠色蓋膠水?
回覆刪除[版主回覆04/18/2010 04:08:00]細節係好不顯眼，但亦好花心思，但奈何我就中意花時間在此方面......^^!
係，雙星綠蓋，勝在快乾。 一般十幾分鐘後已經可以作業(要打磨就要擺耐d等乾透)。
如果用一般膠水就唔可能一日一隻手指了。
好勁!!!我真係冇野講
回覆刪除[版主回覆04/18/2010 04:08:00]只係一隻手指啫...^^!
好耐冇同你傾過偈喇大哥，幾好嘛 ~ 典知一入黎就見你玩得咁癲，超好心機，超可動 ... 勁 ! ~
回覆刪除[版主回覆04/21/2010 15:44:00]比較忙啦，近排^^!