新年快樂呀各位...^^

今日落去又掃左D DVD，其實之前都list左一大堆俾佢執，我諗大概仲有幾廿隻未拎。

最大收穫係搵齊成套古惑仔1~6，而且1~5仲係全新未開，都係一舊水6隻.....^^
原來古惑仔已經斷晒貨，依set係老闆自己私伙野，本來我都唔想奪人所愛，但老闆話佢只係等有緣人.....(真係好緣...^^)

阿甘正傳係一套我相當喜歡嘅電影，舊屋有隻LD，不過當然地係冇用啦依加，
尋日唔係行開睇到，都唔記得一直想買。
所以今日咪落去睇吓有冇囉......^^

黎緊...........

靈漆作品集。

下星期要著手砌另一隻，見張工作枱仲係乾乾淨淨(平時砌野亂過屎坑)，
而wing ka就要埋位入櫃，所以同佢地影幾張相作個07終結。

08年希望係清倉之年，平安夜個朋友上黎訓，佢話從未訓過咁黑嘅房。
因為我D模型已經打爆晒客房嘅窗台，只得少少位可以開到隻窗........

WING GUNDAM ver.ka...........
最近為左等獨角高推出而砌嘅一件作品。

渣古 ver 2.0..............
渣古點都係舊舊地先至型仔嘅....^^

TURN A GUNDAM..........
話題之作。

吉姆Q......
全手油作品。

劉關張...........
塗製地獄，三兄弟玩我成個月。

仲有hi-nu同sf，不過佢地已經在櫃裡深處，無緣再影了......
Post翻d舊相啦，兩隻都係手油...^^

幫朋友買左好多DVD.....^^

今日都係落左影碟舗幫手pack野，順便掃左幾隻DVD(?!)同兩SET卡通片VCD。
其實我都唔想用噤多錢，今次係純幫朋友先去咁盡....所以唔好串我呀...^.~

當老闆知道自己做唔住時，其實都唔知同D客人交代，因為有D客人幾十張套票，兩個月又點睇得晒呢。
但反而客人嘅反應唔係追究，而係關心同支持。
有D客就好似我地咁，幫佢清吓D碟。

都咪話，有好多戲想搵但又搵唔到，而加比我見翻，仲唔掃左佢咩.....估吓依度有幾多隻...^^

其中「切膚之愛」同「青之6號」都係我一直想入手，
尤其係「切膚之愛」，我成日以為係叫「愛的支解」，連個名都記錯，想買都買唔到啦.....

部機讀得VCD多會讀唔到DVD架....^^

今日落影視店玩左半日，幫佢pack左好多野，順便又買左D VCD，
講真VCD呢加野真係唔係好岩我，但依D佢果度又冇DVD......
尤其係星矢，因為我一直都想買DVD，但都冇實行....算啦，平平地，大家開心啦...

超時空2都搵到個盒喇，不過個鐵盒係舊化左，仲舊過我隻渣古...但點都好過冇盒...^^

同時俾我見到隻碟好鬼誤導，明明得兩聱道嘅VCD，已經係雙音喇，點可以做到Digital 3D Stereo呢，仲要2搞笑到寫明「支援AC-3、Dolby Pro-Logic擴音器提供更佳音質」得誤導字眼....
唔知真係以為佢有AC-3 tim.....^^

入左金毛專用FLAG，睇電擊話黎緊會有D新嘅MS，好囉，唔駛成日對住D FLAG喇.....^^

再入一隻EXIA，因為我將會用兩盒改件.....^^

WING ka 已完成

之前完成左渣古2.0，見unicorn仲未出，味砌埋隻wing ka囉，
點知隻wing ka對翼嘅夾口鬼咁難搞，而且唔可以分件，所以都花左唔少時間。

本來23號可以完成，可惜撞正聖誕節，所以遲左少少...^^
上色方面用翻上次turn A嘅主色米白做陰影，高光係純白。
藍色方面其實係"紫藍"，但次次打左閃光燈就一定影唔到(留意︰最後果張冇閃光燈就出到紫先喇)..~.-
今次冇再玩金屬色，而用左四隻唔同嘅灰黎表達，始終我都係愛用實色...^^
模型本身有多個地方分色都唔係咁好唔，為有自己分，如對翼嘅噴射器就玩左我幾耐吓....
面部兩旁散氣位實在太唔惦，所以刻過佢。

今次又係衰左d人仔，到臨影相果刻先知自己未油人仔，所以求其左d，連消光都冇噴，點知一開閃光燈就反晒光.....不過理鬼佢lu，都睇唔到嘅....^^

之前覺得支槍冇咩特別所以冇影特寫，結果依加有朋友想睇，
加吓求其補翻D相啦.....^^

下一隻係..............................

相關新相︰http://hk.myblog.yahoo.com/rx_167/article?mid=4344

樓下執平野....^^

樓下星輝最近同瑞華行合辦搞左個大位(即係星輝斜對面)，都開左兩三個星期喇。
之前睇過吓，覺得d價好貴，平均貴人地幾十，價錢亦同星輝唔同，所以睇兩野就走人.....

之後網上有人話有平野執，咁我今日咪去睇吓有冇心水，點知原來真係有荀野.....^^
入手.............
蒼流星=$100(1同2都係$100，之前入左2=$139定$149唔記得)
綠狗=$160(出面好似$18x咁上下)
EVA TYPE F=$100===抵

大家有興趣就自己搵搵，可能有你心水平野架...^^

日版電擊HOBBY 2月號=$1xx，附送EXIA改件(正義女神高達)
本來可以等香港版出先買，不過又想睇吓UNICORN 46P特集，所以都係早買早享受，遅買平兩舊啦......

其實我唔明點解明明依加12月，電擊個期數就一定出早個半月.........

今日落影視店又執左d劇集翻黎，可惜只有VCD啦1 pack=$50。

超時空要塞其實係俾kog傳染，所以想買黎睇翻。
其他果d都係bb想睇嘅.....

獨角入手.....

我都話一出即買即砌，不過買就買左，但砌就唔得喇，
是關撞著聖誕節，總唔可以日日砌模型，否則會俾亞媽串...(衰仔！冇人約咩！！)

落到星輝，見對情侶拎住盒獨角睇左好耐又唔放手(最後又唔買走左)，搞到我睇唔清價錢只見$3xx.....，不過都諗住買，所以同老闆娘打左個眼色，就咁埋單走。
個價的確貴左D$349，不過見佢D走勢咁強，我費事未等到到回落都已經買晒，到時真係....，反正覺得OK就可以喇...^^。

聖誕節後先開工....^^

另一件可惜嘅事係我樓下間影視店唔做喇，
其實我都叫同佢地幾熟，見佢地做唔住要走，真係有D知點。
鬼叫樓下開左間大影視店(批發開嘅店)咩，細店同佢批發攞一隻VCD成本都要$80，但大果間自己發行，所以租碟好平，即係佢地玩晒。

一場相識，咪幫佢地清吓貨囉，其實我地已經list左幾廿隻DVD同VCD，不過都係等佢唔做先拎，但佢又好好人地搵左D俾我地，費事我地聖誕冇野睇喎....^^

以後冇得訂平blu-ray喇....~.-

獨角日本熱買....

開舗前

開舗後

可惜我樓下未有.......
ka sir今次有人工加喇.....

到我紅燈喇...^^

尋日買左隻KUF諗住可以online同人玩，尋晚試左一陣，
點知今日開機玩，玩左一陣花晒畫面，重開再試，點知出現一紅燈，畫面顯示E74(即影像問題)，試過抆晒D線再開都係唔得，咁之前D人話三紅先至唔駛俾保養費，咁一紅咪要俾錢....
打去MS問，佢地幫我約左1月8日換機，都係唔駛錢(放心晒)，仲俾翻一個月live我(梗係要啦，成個月冇live用)，原來唔只三紅免費保，原來E74都係免費.....實在太好喇...^^

其實之前絲絲同的士佢地三紅換機，我就成日都話點解我未三紅，
其實我唔係串佢地架，事實上我都真係想換機，因為新一批機會用新DVD ROM同新CPU，你都咪話唔心動，所以壞機對我黎講係一件開心事，只係唔著時，因為1月8日先拎得，咁個個都爆晒KUF，仲邊有人同我玩4人合作呀，買佢都係因為咁之嘛....~.-

隻KUF好多地方都炒，平均$329(原價$299)，可能D鋪唔知佢咁好買，所以入少左，好多地方都冇貨，唔炒有鬼咩...
不過樓下個姐姐好人，唔炒俾我，生食$290，只可惜依加玩唔到....

肥仔高達又係必買，我份人就怪怪地，4隻天使，我最鍾意肥仔。
可能因為佢唔得人鍾意，覺得佢可憐掛....^^

點都好，依加冇X360，咁我可以砌模型，都未嘗唔係一件好事...^^
而且仲有wiifit都未得閒玩.......

渣古MS-06J ～ 完成...^^(更新)

更新︰
由於尋晚太夜又眼訓，所以影到d相白晒，走晒色都唔覺，今日執翻晒喇，我諗得閒都要買翻個攝影棚至得.....

似乎大家都著眼於舊化方面(之前冇預計到)，所以我加左幾張新相。

玩左成個星期終於完成....^^

花左兩日時間做舊化，不過出黎效果都應該OK嘅^^.....(我覺得....~.-)
其實玩舊化都係上晒色之後先決定，所以冇做咩彈痕之類，但都係忍唔住問"紅彗星"借左個頭黎爆，橫惦佢麵冇用架啦....^^
所以我依隻可以有四人頭用。

所有武器掛晒上身。

指定動作....

舊化特寫.....

四人頭....^^

人仔....(機艙太黑，睇唔到....~.-)。

武器特寫....

骨架上左好多種金屬色。

今次骨架冇打陰影，橫惦都係睇唔到......~.-