前幾日無啦啦感覺到支噴筆係咁呼喚，所以拎隻渣古做"開筆禮"，
今次純粹係想試吓兩支新買嘅D金屬油，SM02同SM07，
而SM02(金)出黎嘅效果唔錯，用黎玩關節真係幾正....^^
SM07(電鍍銀)，我冇用佢支專用開油水(都又係買黎把.....)，用翻leveling開，好鬼"令"。(只係背包噴射器用油壓，噴射器明顯D。)
本來希望在星期六前完成，因為有朋友上黎玩，
照咁睇........係絕對冇可能，所以今日休息，下星期再努力......^^
同埸加影......
今日BB自己出灣仔行188，我都估到佢單拖買野一定非同小可。
不過，原來大部份都係買俾我....^^
最開心係搵到套二手尋秦記DVD。
之前同樓下訂又得尋秦記下(21~40集)，搵左好多地方都冇，就算有show個盒出黎，但實際都係得個吉。連TVB自己都冇...。(D人唔係一次過買一SET嘅咩??點解買剩part 2呁神奇呢又.....)
好囉，俾BB搵到套二手，真係冇得頂呀。
DOAX2大波杯，一SET三隻。真係凸架......^^:
建次郎空手開樽蓋器，一開就會"呀喳......"，好鬼抵死。
買左幾日架喇，不過費事比你地拉我落地獄又剩....=.=，
其實我最唔鍾意1/60嘅EXIA，感覺上(睇圖)對腳好短，成隻橫晒，冇原型咁fit。
都係唔知點解會買，總之依加所有GUNADM 00系列嘅模型我都有.....~.-
沒有留言:
張貼留言