尋日睇完變形金剛.....

之前聽d影評講到好差，又話好悶，又話故事唔好(講真變形金剛本身係卡通片，你想有幾複雜丫。)...。
好多人睇過都唔明內容。
攪到尋日cc約我睇我都唔係咁想去.....不過算啦，話晒期待之作。

不過好彩去睇，冇比d人老點。
成套戲就係睇變形，唔駛講啦，呢個絕對係本片賣點，文哥變形都近成分鐘(全片最花時間係佢)。
打鬥場面多數係隻揪多，因為佢地打埋一堆時你真係幾難分佢地邊個打邊個，但當然對我地d變形金剛黎講，一眼就分到。
故事如我所科，超簡單，一方破壞一方保護，拆樓場面落足功夫。對未接觸過變形金剛嘅人黎講，故事節奏唔快，有點覺得拖片。其實d美式攪笑位相當多，就連猩猩叫集集都比老麥閙呢點都仍然存在。你只會輕鬆面對呢場大戰，總之就完全同卡通一樣。

好唔好睇就見仁見智，我地6人去睇，4條仔都話正，我女友就話唔知邊個打邊個...唔好睇。
個人黎講，單係睇文哥變形都O左咀，所以我買硬DVD。