今日～TR-5

今日同BB諗住去MEGA BOX睇3D哈利波特，點知冇飛，佢話預售到8月頭.....
行左一陣，十幾層樓係冇野行.......

回歸坐小巴，路經定安街，咪去SHOP吓玩具囉。
BB入去買左架車仔同一盒米奇玩具雪櫃(個雪櫃佢上次都話買架喇)。

本來都唔知買咩好，不過冇理由空手而回。
全場比較吸引係GUNDAM MKII(奧干) $199，可惜我買左。
另外紅勇士var 2.0 $269
仲睇中TR-121-2 $99，不過好似唔駛呢個價，所以睇埋樓下先。

諗住買把P刀，因為我一直都只係用筆刀刻線，未用過P刀，P刀真係好D咩???
點知BB話TR-5幾型，
其實我一直都想買架喇，因為我係A.O.Z. fans。
不過太多未砌，因此遲遲未買。
今日終於買左，成為$129，
走左之後先醒先唔記得買P刀.....