飛簷走壁 ～ Assassin's Creed（刺客教條）

最近的確有唔少game要玩，而其中最期待嘅當然係《刺客教條》。
之前都未有正式睇過太多遊戲畫面，但因為佢係我最愛玩嘅特務遊戲，而且係ubisoft出品，因此絕對有保正。
但一出之時，此game已由來已由$299炒至$4xx，真係令人卻步。
不過點都好，我都用$3xx即日入手，加埋件tee就由佢啦....^^

玩上手時，第一個感覺係，原來「飛簷走壁」可以咁容易，
過往嘅同類遊戲，在操作上都要有一定根性先可以隨心所欲咁飛馳於屋簷之間，但出奇地此game只按住兩個掣加方向就可以做出各種動作，真係估佢唔到.....

而刺殺主要係混在人群當中進行，要避過士兵耳目刺殺目標，的確相當有趣，而且有別於同類遊戲等隱藏技倆，
而逃命時除左有隱藏位外，亦可以扮坐底又或扮學者瞞天過海，相當有新鮮感。

而本遊戲主要買點之一，就係壯觀嘅景色，
當走上高身處時可以睇晒周圍嘅景物，而已連最遠處都係3D構成，都咪話唔勁。
不論城裡城外，景物一樣細緻，而且有成幾個城咁多，個個都有咁上下大，部份場所亦可以進入，光源效果相當出色，
除左要佩服開發者嘅心思之外，主機機能亦不可缺少，

之前ubisoft因為X360用DVD驚擺唔晒D野，而PS3雖然用BD，但又唔夠RAM.....所以我一直都怕會有野cut，玩唔到完整版。
最後ubisoft得到MS解決容量問題之後，就完全放心晒.....^^
但只有256M RAM嘅PS3又會出成點呢??(X360係512M RAM)

講畫面真係超靚，玩法亦創新。但由於為求簡單易玩，就連任務都簡單埋，千篇一律嘅任務玩得耐就會沉悶，尾中不足也，如果佢將同廠作品《SPLINTER CELL》結合於此作，必定有更高評分.....^^
最衰嘅係冇字幕...................

但照睇，此GAME大有可能有續集，
而另外SPLINTER CELL 5都好似有類似玩法。
雖然一切都未知，但ubisoft嘅特務game的確相當出色。