爆左中忍就會多左件迷彩衫，講真，勁核凸.......
加吓玩上忍，第一版就死........
一開始就已經係爆破忍者，之後就成班火箭砲兵。
不過都已經習慣晒佢D視點，感覺上就手好多....^^
新記錄，324連擊........^^
花左3日時間終於打爆左忍者外傳2，過程真係有如地獄般痛苦，在初時玩嘅時候因為未熟習新系統，所以打得好苦。好多人都話今集易玩左，但其實只係頭幾版嘅假像，因為遊戲中在每一次嘍囉戰後都可以回復能源，雖然方便左好多，但在BOSS戰時，因為冇時間比你回復，所以只可以用不斷補能源打法，但如果你習慣使用補能源方式而冇考慮招式技巧的話，到後期將會苦不堪言，因為到第14版將會係連續5個BOSS戰，打幻心同伊麗沙白後可以到村正叔度買野，但最後係3連BOSS戰，如果你在頭1~2個BOSS已經用晒所有回復道具的話，後果可想而知。
今集爆左機後可以留翻D進度再打，即係全兵器黎打，所以第一次玩兵器唔夠可以唔駛去打修羅。等第2次先打都未遲。
今集敵人AI真係冇得頂，臨死都要同你玩自爆，半條血就咁比左佢.....
尋日睇見網上有人話龍忍太難，一D都唔好玩，結果當然比人插到冇聲出啦，
龍忍出名難玩，怕難玩不如玩食鬼，駛咩玩龍忍呢??其他遊戲D敵人咁低B係咁比你玩連招，呢一套根本在龍忍身上用唔著，敵人AI同能源係同你相等，主角有幾勁，係完全睇個人技術同反應，所以好唔好玩係睇個人技術，同遊戲本身冇關。
在外國game評只得8分，user評分亦只得8.7，神作地位已經不保了.....
其實我玩嘅時候都覺得畫面進步不大，而視點亦相當有問題，大慨係主角太快所至，遊戲本身絕對超爽快，可以話同類遊戲如DMC4同戰神都要讓路。
上集能成為神作，極限畫面絕對係其最大買點，如大家有用X360玩上一集都會發覺佢D畫面同次世代分別唔大，可想而知當年佢一出有幾勁。可惜今集畫面同上集差唔多，遊戲內容係重要，但今時今日仲用翻以前果套???保持而不進步，一定會被時代淘汰。
小小心得︰(只係我為熟習系統嘅基本戰法，所以唔可以話你頂級戰法。)
1, 被圍攻時，盡量使用儲氣Y或飯鋼落。
2, 注意唔同敵人用唔同兵器，如一D有裝甲嘅敵人，用鐮刀會比用龍劍更快。
3, 當出現藍魂(能源)時，如果你已經見紅，你就等藍色部份回復後先再給藍魂，咁就可以補回見紅部份。
4, 先升級你最常用嘅兵器，後才升其他兵器。
如果中左爆破手裡劍，可以跳牆大斬，咁樣可以抵消爆破(上集都係咁)。
5, BOSS(人形)盡量待佢出完招先再還擊，飛燕在追擊上亦相當重要。
6, 打狗要分散同佢打，否認你好大幾會比狗咬死。
7, 第7章BOSS岩漿怪，盡量打佢個頭，龍劍比較快，當佢冇能源時會自爆，所以佢爆嘅時候一定要用疾風(閃)或忍法，否則只有一死。
8, 第12章中BOSS岩漿怪兩隻，同第7章打法一樣，不過要記住打完一隻到一隻，否則畫面光到超難睇又亂。
9，請熟習主力招式，因為每一種兵器都有佢最大殺傷力嘅招式。
10, BOSS戰時要注意不時用RT修正視點。
因為手頭上有工作在身，所以餘下我唔會有太多時間去打，
我成日都話，第一次用低難度爆機只係熟習系統，第兩次再玩先係報仇時候，所以我會一個一個難度打上去，所以冇時間報仇的確有點可惜。
爆機畫面......條粉腸遮住塊面都有咁多女鍾意??真係唔明。
百連斬成就唔難開，打曱甴閒閒地都有2xx啦。
睇完鬼佬D影片後，件衫甩左色............
都係呢件型仔D........
話說《忍者外傳2》(龍忍)作者「板垣伴信」起訴佢公司tecmo，真假未知，但如果板垣真係離開tecmo，真正嘅忍者外傳及DOA系列將會劃上句號。
何謂「真正」!?因為只有「板垣伴信」先可以開發到如此強勁嘅龍忍。
正如上次TECMO硬要將《忍者外傳Σ（Ninja Gaiden Sigma）》移植至PS3，板垣當然采佢都傻，因此《龍忍Σ》只係交由板垣助手去做，即使只係單純移植，但出來效果根本連當年XBOX版都比唔上。另外DOA5相信好多人都期待，但冇左板垣嘅DOA又會否再一次步《龍忍Σ》後塵變成一隻破壞名譽嘅癈作呢??
難怪早前板垣伴信已經講左今集會係龍忍最後一集。
今隻招式系統相當精彩，如遠近距離招式都會有變化，加上新招「疾風之術」，簡單講就係"閃"，令遊戲節奏更快。
敵人AI強左好多，一向主角成名技「飯綱落」(對敵人按X,Y,XXY)不論左DOA及上集中都係主力招式，但在今由於敵人太強，能使出機會相對減少，反而諗吓用疾風閃到敵人外圍再加以攻擊至為上策，因為飯綱落已經冇主力之利，所以在戰術上就要多花心思，這亦係龍忍更上一層樓嘅地方。
「飛燕」今次冇左導向功能，所以唔好亂飛呀。
雙刀流今集相當有用，在龍忍Σ已經係主力之一，雖然殺傷力同龍劍差唔多，但由於攻擊開雙，感覺上好free....
儲氣Y在今集可以做到連環攻擊，即係只要身邊有其他敵人，只要佢企得近，一樣斬埋，特圍相當有用。
另有一招一定要講，就係方向制轉一圈+儲氣Y，其實一直都冇咩人用呢招或唔知佢存在，其實係相當好用嘅一招，大家要好好善用。
而在分屍或反技時轉用大特寫畫面，有效令視覺更震撼。
雖然話敵人AI大超強，可以話比上集更變態，但本集中能源可以自動回復，感覺上即使被人斬到就死，只要有回復都可以過版，令遊戲變得易玩左，但當然，冇人想一面倒比人斬，所以想成為頭領等級，戰術絕對重要。
而且敵人最恐怖係就算你斬斷佢手腳，只要佢未死一樣會還拖，所以唔可以輕心。不過在實戰時，如果太多敵人，可以先考慮斬左佢隻腳先，因為佢行唔到，所以都可以有效應該其他敵人，我嘅"百連斬"都係咁打出黎。
在整體上我仍未有任何評價，因為我仍未可隨心出招。
今集在動作上絕對變化多端，畫面質感相當細緻，尤其人狼嘅毛髮更加清楚可見，但可惜背景好似進步唔大，感覺上同上集xbox質感分別不大，其實上集畫面已經係機能極限，可說係次世代級，所以移植至ps3時都唔覺質素有咩問題，也許版圖太大掛，定我我要求過高呢??但背景處理方面係廠方要克服嘅地方。
在出招時嘅震撼同華麗，龍忍2的絕對係冇人能比，這亦係板垣伴信所講嘅，其他廠商要讓路嘅地方，但畫面方面我有點失望，唔通日本開發者嘅技術真係已經走上絕路。
血腥四灑係今集一大特色，而且血花表現相當出眾。
而且血仍然會留在刀身之上，相當迫真。
一地都係血......
唔止血花，連肉都一樣開花。
一向刀影都係用光之類表達，但龍忍Σ後改用氣流。
留意梯級刀影，可想而知實際時效果有幾迫力。
人狼嘅毛髮清楚可見。
本身諗住今晚先拎，不過先live友玩緊咁開心，都係忍唔到手。
過左兩版，開始時真係比佢d畫面同爽快感嚇親，實在好難停得手。
一個字...........強，不過唔寫咁多住，等我爆左先再講。
不過開game第一件要做嘅事係set翻5.1輸出，因為原設只係立體聲。
我下個月先生日，不過前日上左CC屋同亞行撻興祝，
點知咁早有得收，所以都幾高與....^^
估吓咩黎...
一開.......
再開......嘩.......
仲有個大嘅咕筍......
左邊果個年幾前買，D朋友問我點解得一個，
咁加吓就一對啦，不過舊果我已經比人玩到殘晒.............
鬼咩，咁多咕筍唔玩，男又好女又好，個個都鍾意揸呢個，唔殘有鬼囉。
