RX-78-2 Ver.Ka 改造開始......

發哥不過又未出....好啦，終於輪到RX-78 ka版喇。
本來想砌重戰機，不過見上次因為用GX1開油，開多左，而且KA版又正正係米色，
所以咪砌佢囉，不過假組後發覺身型好似怪怪地，咪係腳短囉。
唔怪得D人成日加長RX-79對腳，諗住就咁上色就算啦，點知又要改......

ka版比O.Y.W版大隻少少，但因為佢橫嘅關係，感覺上好似腳短。

橫惦加長對腳，不如改埋關節啦，似乎係一個好玩嘅課題。

肩關節都要改埋，至少可以前後移動。

∀ Gundam ～ 月光蝶(圖)+惡攪篇

未惡攪之前，先睇吓我做嘅「月光蝶」圖，
見都好多turn A fans都想睇月光蝶，不過MG冇出(或未出)。
咁我為有做副圖比大家項吓引先啦。
因為我未睇過動畫，本來想做一個蝴蝶形嘅pose，不過搵唔到參考。
因此我只能用MG100別冊中嘅一副小圖作參考。
希望做到月光蝶嘅效果啦^^

別冊中小圖

以前玩素組時，成日都會無聊惡攪一番，不過當時D網友喜歡我D惡攪圖多D^^。
記得之後比人詁我無聊(咁我係無聊丫嘛)，咁咪唔整囉。
不過今次例外，如果我只係post月光蝶又好似少左D，所以都惡攪一次啦。

一︰鬥大胸

二︰認錯人

三︰罰球

傾力之作～∀ Gundam。

砌左成個星期嘅TURN A終於完成，而且相當滿意，
雖然好多人都唔滿意TURN A，成日野豬前野豬後，
但亦有一班超Fans，依個正正就係吸引到我留意之處。
我一向唔鍾意turn A，直至MG版推出，覺得佢線條好靚，而且由KATOKI修定過。
我冇睇過動畫版，認識我嘅人都知我唔會主觀咁買模型，想買就買。
好彩我係咁，如果唔係可能就此錯過一盒咁正嘅模型。

本來諗住改燈，點知頭頂倒A唔係透明，吹漲，咁為有唔改囉。
不過佢個頭有成個位比你放LED同電餅，改都慳翻(之後會講^^).....

因為我冇睇過動畫版，所以都唔知咩擺pose好，
為有影多D特寫啦，話晒自己都幾滿意，應該見得人嘅^^;

上色前後.....^^

粒燈我影完相就拆喇，所以求其加咋，因此會有漏光，
只要cut一小塊錫紙遮遮佢就得喇...^^
我有用佢原本果張銀貼紙。

佢隻人仔完全同企果個唔同比例....
如果你見到佢機艙果粒人仔，你真係唔知佢係咩黎。

依個位一定要加粒珠珠先好睇。

我幾鍾意依幾塊野。

同場加影......超簡單裝LED

就係咁多野，電線都唔駛，係唔係好簡單呢.......^^

因為我得3V LED，所以為有用兩粒最細嘅1.5電餅，
當然用一粒1.5V LED就唔駛好似我咁。

我唔識講，希望睇得明啦.....^^。
總之LED兩隻腳夾得住粒電就得喇.....

因為我要用兩粒電，所以固定有少少難攪，
總之底係正極，近LED果面係負。
長果隻腳(正)最好咁屈。
呢個扣得幾實架.....

因為咁夾法，一定有一隻腳IHI正極，所以正極一定係底。
下面果張因為想清楚睇到點放電，我特登掉轉正負，所以唔好學。

之前話長腳(正)最好咁屈，因為要夾住呢兩條坑。
不是同一粒1.5因為會細D。因此可以就咁放。唔駛夾坑都得...^^

得唔得人驚呢.......^^^^^^

後感.......
無論你喜歡turn A與否，
以模型而言，能張設定完美重現而亦有相當活動性，絕對係好野一盒。

∀ Gundam（三）～骨架

由於唔夠竹籤，所以只好分開噴，噴好骨架先。
因為骨架件最多，而且左右唔同，費事冇記性記鬼錯。
不過未滲線同消光，留翻最後先一次過做。

佢骨架冇咩結構，所以全灰色，
不過冇得俾我玩吓其他金屬色就有D可惜。

幾鬼死似「電腦黑魔」呀....^^

灰白色骨架部分我改左做近"土黃"色，個人喜歡而已。
陰影應該唔太過火卦.......^~

灰色地方我用左"煙灰色"做陰影，感覺有少少燒鐵feel。
金色用百式金，因為唔似金，反而有d似銅之類。
張相影出黎青左唔關我事，係燈光問題。

∀ Gundam（二）～分件改造

尋日改左架喇，不過要等D膠水乾晒先可以叫改好。

比較難改都係個頭，因為一般果D分件係平面多，頂多都係少少圓。
但turn A就係一隻蛋咁，所以要好小心，不過依加都未算完成，因為都要噴埋灰先知有冇問題。
不過好在改左都可以好穩陣咁接合同分開，唔駛外加膠板等整實。
開左"腦"之後成粒LED同電池都放到，不過我唔改燈....sorry!!!

大腿有兩個紅紅位，唔駛諗，都係加珠珠架啦。

夾口都補好喇，不過ABS膠只係比PC膠硬，都唔係易刻.....
白色果件磨到連夾口都冇埋，費事睇唔到個夾口起邊，所以做個對比。
x係未打磨，o係磨左。

支槍比較煩都係槍頭嘅紅三角，如圖由兩件分成三件。
槍咀加左膠板定位，費事整唔正。
左面三角因為有野頂要斜出入，所以斜cut，到時要用膠水接合。

槍嘅手把位，原本係倒扣在裡面，
我改左用PC膠固定，咁就可以分到色喇。
不過原來唔加PC膠都得...........!!

分色噴....
我張枱都幾貴吓架。

其實本身佢都唔係太圓，
噴灰之後磨左好幾次先變翻隻蛋......