三國傳劉關張完成。

玩左好一段時間嘅劉關張終於完成。
其實係衰修尾，不過總好過爛尾。
本來改左張飛隻手做活動關節，點知最後爆左膠...
因為懶(砌左好耐喇)，冇加深D線，有好D位滲得唔靚。
紅色太深，睇落冇咁"令"。
做mask時唔小心整甩左d油，
劉備對翼唔記得噴紅色........
雖然問題唔大，不過總有D唔高興，所以在冇心機下草草完成。
本來想買過黎砌，不過砌BB嘅過程有如地獄一樣，真係唔想再多一次。
我諗我唔會買"司馬懿"喇。
其實.......就咁睇都OK啦....^^

劉備改得唔多，主要係改左噴射器，
不過原來改左都睇唔到.....

關羽唔駛點改，所以手多幫對腳整左個散熱。
似乎最靚係呢隻...^^

張飛好多地方都有改。
主力係雕刻兩個環，加左兩粒膠珠比佢。

成set野好多地方都修或改過。
對眼用左膠板改成，諗諗吓下次都係唔改喇，太花時間，唔近睇到都唔覺。
最滿意都係張飛兩個環嘅雕刻。
下次都係唔磨尖D角位喇，成日比佢"吉"......