∀ Gundam（一）～素組

素組完成，講真，實物真係幾型架，都咪話。
關節都好緊，不過全部冇用PC膠，用晒ABS膠(即係F91果隻囉。)，
有D膽心日後會鬆過亞婆排牙。不過我唔會拎黎玩，應該頂得住。

相比起新一代MG2.0，活動範圍唔係太大，
但勝在夠穩陣，單腳企都仲得。
比RX-78高(唔記得影對比tim)。
5隻手指都可以活動，唔係一排三隻自己cut果種，
而係獨立一隻隻(磨到我PK)，不過要小心D手指關節易斷。

上左色見擺D型pose。最衰頭頂個A字唔係透明，攪到我唔係好想改燈......

死未........

全身呢個夾口最難攪，我諗住咁cut(都冇第二招啦).....

佢d線好鬼多，而且好多都好淺，所以我重新刻過，如果唔係，滲漿就知死。
下圖係刻左同冇刻，因為我刻之前冇影，所以攞書仔張。
可以睇到原本D線係近乎睇唔到(不過書仔又真係睇唔到嘅^^)。