GOD OF WAR（戰神）

大家在XBOX Live見到我，多數都係DOA4，
無他嘅，因為DOA房夠大，可以大家吹吓水。
所以我認自己”口水多過荼”，因此如果間房冇人出聲我一定走。

雖然格鬥遊戲我都好喜歡，不過講到最愛嘅類型都係動作類。
而首選係XBOX嘅忍者外傳/忍者龍劍傳(NINJA GAIDEN)，
忍龍在各方評分都相當之高，絕對係神級動作遊戲。
不過今次唔係講佢，而係在評分上只差少少嘅PlayStation 2嘅GOD OF WAR（戰神）....
原因係我新買囉....^^

都唔知SONY發咩神經，GOD OF WAR中文名竟然你「軍神」，
唔識英文就唔好譯啦，不過鬼叫日本有隻超唔好玩嘅「戰神」咩.....費事你搞錯丫嘛。
講開日本，其實真係幾無奈，在歐美大熱嘅GOD OF WAR，去到日本消程竟有如死水。
可想而知D日本人諗咩丫.......係我就放棄佢地喇。

戰神以希臘神話為背景，其實我幾喜歡依種架構。
有深入人心嘅神話人物做骨幹，在古希臘舞台上可以天馬行空一翻，
就如三國志與三國演義之間，都分唔到是真是假嘅歷史一樣。
只係神話比野史更超乎現實而已。

遊戲中充滿血腥與暴力，是老外嘅強項。
不過本作都唔係單方面以暴力為賣點，其爽快及多采多姿嘅攻擊至係精粹所在。
雖說招或變化不及忍龍出色，但勝在一下子間就可以做成全畫面刀影同血花。
由於敵人死後會放出光魂以升級之用，而且連招越強，光魂越多，
為求升級，血肉橫飛場面此起彼落。

而遊戲中解謎部份亦是有趣，而且亦合情理，總唔會要你移幾幅畫開門之類。
某些身形巨大嘅敵人，可用按鍵輸入方式攻擊，而且按鍵輸入時嘅招式比平時更華麗，
成功的話會有好多光魂架，因此必須”眼明手快”。

而論畫面亦係PS2數一數二，似乎係機能極限.....^^
尤其係第二隻，因為要配合PS3兼容問題，所有貼圖及CG都係頂級解像度，死未。
不過用PS2玩最多都只係480P而已。

其實我覺得第一集好玩過第二集，
雖然畫面提升左，動作多左，而且大佬及多數係超巨大(第一版已經係羅德島巨像)....
爽快係有，但遊戲性少左，尤其係解謎部分不及上一集多。
gamespot評分係9.3同9.2，希望下一集唔好再今人失望啦.....

其實好多人都係由戰神II開始接觸依隻GAME。
我諗係因為美式遊戲嘅關係啦，冇計，鬼叫香港人玩日系遊戲大咩。
講真，日系遊戲真係越黎越唔得。
來來去去都係型男美女，論技術就連unreal都唔識用(兩三間識用咋)......
睇吓條友(男主角)，樣衰衰就係咁拎住兩把菜刀再用條繩搏住黎斬(樣衰到封面都見唔到)，咁就成為全球大作。
靚仔唔一定成功嘅....^^

由於尺度問題，戰神足足花左成年時間修改(即係左cut右cut)先可以在日本發售，可惜唔好賣......
之前我買左隻美版(紅邊果隻)，貪佢「原汁原味」，因為我改左機，所以一定玩到。
但係日後部PS2壞左咪玩唔翻，冇理由今時今日仲買PS2架。
好彩SONY HK今次一次過出晒一二集美版，仲要係平，所以買晒佢囉。
到第三集，相信都非PS3莫屬喇......想唔買PS3都唔得。