張海報得唔得呢......^^
在我心目中，泰國恐怖電影有兩種，一係超唔好睇，因為成本問題，而且在結構上嚇唔到人(大慨係同佢地嘅民風有關)。一係超好睇，因為泰國人對D鬼怪技倆的確有一手，有成本就亦有質素，如之前嘅「鬼影」我就覺得表現手法幾好，結局亦係意料之外，好似話荷李活已經買左版權拍其西人版......
講翻呢套野，我都係聽亞胡慧沖講我先知有套咁野，其實..............................我都未睇，不過睇過佢個預告真係頂唔順，真係好核凸。聽佢講我都覺得個故事佈局好正，不過佢衰左講左個結局.......頂，所以大家係想睇嘅就唔好聽佢果隻「極道恐怖熱線」喇。
不過最可惜嘅係香港冇入到呢套野，好似話太血腥同核凸。不過可以去D大陸網睇吓有冇download，我就諗住搵台灣版DVD，不過都唔知點搵，睇吓可能搵台灣朋友幫手喇要。
大家去個官西度睇吓段預告先啦︰
http://www.longkhong2.com/
沒有留言:
張貼留言