散紙兜........

心情其實早已回復過來，只是心中仍有著一個又一個不能完全解開的結。

有一點事情是開心但亦奇怪，即使這裡沒有什麼新網誌，亦未見新搞作，但瀏覽人次仍然保持著同以前差不多。即使大家不回應，但都知道仍有朋友關心我，有時想想，是否應該完成之前未完的作品，給大家一點回應，不過仍未完結的事仍存著波動，那為有向各位說聲，我回復過來了，只是未能透徹。

散紙兜

小時候，我亞爸係開士多舗，所以我根本唔會有零用錢買野食，要買玩具係要一蚊一蚊咁從返學錢中儲翻黎。記有以前要問爸爸攞多一個幾毫，都好似要問佢攞身家咁，唔見左小小一個5蚊就要大發雷霆，心想，一個幾毫都根根計較，那是一家人嗎？
之後，在朋友家中見到一個散紙兜，朋友出門時，就會在散紙兜上攞散紙，回家時，就會在袋中掏出散紙放回散紙兜。那小小一個散紙兜，相信好多人家中都會有，但我沒有......所有自己嘅錢都只會在自己袋中，那就是我爸爸留落嘅思想。

搬出黎之後，我在廳中放一個散紙兜，玻璃的一個散紙兜，當放散紙時總會"啍啍"聲，從來唔需要理會裡頭有幾多錢，出門時隨手去攞，回家時隨手放下。對我黎講那是一總存在，那就是一家人。

而加返左呀媽度，我習慣地將散紙放到房中書架上，但今早我妹妹出門時唔小心將散紙整跌左，我仍在瞓覺中，所以我同妹妹講，唔緊要，之後又就再瞓翻。誰知當我起身時候，我只能在地上角位找到一些毫子，其他的一兩蚊就完全搵唔到。

一個幾毫的確唔係咩大不了，但沒有散紙兜，又再一次令我想到我不存在，總是格格不入的一家人........