好多隻想入..........~.~

今日叫樓下game shop留左隻GTA4比我，不過都唔知有冇機會玩，
但見佢講到明唔炒比我，咁咪留一隻囉.....
呢隻唔駛講又係必炒之作，只係唔知點炒啫。

其實今個月有兩隻好想入，但都係想去冒險樂園換......
可惜今期冒險樂園D貸冇平時咁快，因為平時街出左佢都會有。
不過今日去星輝睇到已經出左HGUC nu($159)同渣古II Minelayer($269)，
可惜去到冒險樂園就只有一隻渣古II F係新......頂。

我係0093 fans，唔買對唔住自己。

依隻我等左佢好耐喇，可惜未有得換......

冒險樂園只係6xxx分，非常抵，不過我對佢冇興趣，因為同渣古J差唔多，
BANDAI嘅渣古2.0真係有排出呀.......~.~

R&M Luis兄，剛問到我玩冒險樂園D game係唔係好叻，
其實要多分係玩火車推銀仔係最易得分。
1, 首先睇吓邊部多票出，我樓下有兩部，一部一個銀仔出5票，另一部一個銀仔出6票。梗係玩6票啦。
2, 一部機有6個位，其本上試左邊幾個位最易打鐘，咁以後落去就玩果幾個位。
3, 睇吓d銀仔有幾大堆同邊d多到差唔多瀉，總之推得多就得喇。
4, 睇埋d人打剩幾多格鐘，因為一開始就有6格要打，如果見到有d玩左2~3格走左，而果個位又易打鐘，咁即係只要玩多3~4格就可以有火車出。

其本上我用$100玩可以玩到3~4000分，如一盒渣古Minelayer約8xxx，咁大約玩2百幾就可以換到，又有得玩又有得換，係唔係抵過買呢....^^。